Ka lympung ïalehkai phutbol bala tip kum ka “4th U Adelbert Laloo Memorial Trophy” haka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 22 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka kynhun ïalehkai jong ka Luti Tuber Ialong kala lah ban pynliem da 1-0 kol ïa ka Loomiongkjam, ïa katei ka shikol na ka Luti Tuber Ialong la thep da u Francis Pale haka minit ba 37.
Ha ka jingïakhun kaba ar ka kynhun SC SC Nonglatem kala pynliem da 2-0 kol ïa ka Dongneiñ Mookaswan, ïa kitei ki kol naka SC SC Nonglatem la thep da u P. Langshiang haka minit ba 65 bad u Obidien Pyrtuh haka minit ba 67.
Ha ka jingïakhun kaba lai kaba la long hapdeng ka Phramer pyrshah ïa ka Khliehshnong Ialong kila poi sha ka jingïakhiad da mar shikol (1-1), ïa ka kol na ka Phramer la thep da u Rashmiki Suchiang haka minit ba 8, na ka liang ka Khliehshnong Ialong la thep da u S. Pale haka minit ba 20.
Katba ha ka jingïakhun kaba saw ka Mulang Ialong kala pynliem da 2-0 kol ïa ka Saiñdur Mihmyntdu, ïa ki kol na ka Mulang Ialong la thep da u Poisuk Dhar haka minit ba 55 bad u Richard Dhar haka minit ba 56.