Ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 25 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka kynhun ïalehkai jong ka Mookaswan Dongwah kala pynliem da 3-1 kol ïa ka Mooknor Nangbah, ïa kitei ki kol na ka Mookaswan Dongwah la thep da u Patric Ryngkhlem haka minit ba 14, u Khel Shylla haka minit ba 60 bad u Kermi Shylla haka minit ba 67. ïa ka shikol ba ka Mooknor Nangbah la thep da u Pynshngaiñ Hinge haka minit ba 17.
Ha ka jingïakhun kaba ar ka Loompyrdi Iongpiah kala pynliem da 2-0 kol ïa ka Nangbah Khloopano, ïa ki kol na ka Loompyrdi Iongpiah la thep da u Turweinam Lakiang haka minit ba 27 bad u Khroo Laloo haka minit ba 57.
Haka jingïakhun kaba lai ka Newhill kala pynliem da 3-0 kol ïa ka Pammanik, ïa kitei ki kol na ka Newhill la thep da u Hamedamanbha Thma ha ka minit ba 13 & 39 bad u Fabian Gatphoh haka minit ba 52.
Katba ha ka jingïakhun kaba saw ka Madan Thadmuthlong kala pynliem da 1-0 kol ïa ka Kseh Sylle Ialong, ïa katei ka shi kol naka Madan Thadmuthlong la thep da u Heibormi Suchiang haka minit ba 49.