Ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 24 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi hapdeng ka Iooksi Youth Welfare bad ka Pynthor Langteiñ kila poi sha ka jingïakhaid da mar shikol (1-1), ïa ka kol na ka Iooksi Youth Welfare la thep da u Reshan Pasleiñ haka minit ba 5, na ka liang ka Pynthor Langtieñ la thep da u Sniawhun Suting haka minit ba 7.
Haka jingïakhun kaba ar ka Mookymphad Mihmyntdu kala lah ban pynliem da 1-0 kol ïa ka Youth Welfare Pynthor Langteiñ, ïa katei ka kol naka Mookynphad Mihmyntdu la thep da u Wailad Shylla haka minit ba 22.
Haka jingïakhun kaba lai ka kynhun jong ka Myrjai kala pynliem da 6-0 kol ïa ka Umshangiar, ïa ki kol na ka Myrjai la thep da u Elast Dkhar haka minit ba 7, 10, 57 & 62, u Ngaitlang Lamare haka minit ba 22 bad u Sperbha Syntem haka minit ba 33.
Katba ha ka jingïakhun kaba saw ka Pasyih Cultural kala pynliem da 2-1 kol ïa ka West Madan Mustem, ïa ki kol na ka Pasyih Cultural la thep da u Deiwi Rymbai haka minit ba 54 bad u Phem Dkhar haka minit ba 70+1, na ka liang ka West Madan Mustem ïaka shikol la thep da u Zumi Tariang haka minit ba 22.