Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 31 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka Mulang Ialong kala lah ban pynliem da 4-1 kol ïa ka Nangbah Khloopano, ïa ki kol na ka Mulang Ialong la thep da u Shere Mulieh haka minit ba 30, u Niwan Susngi ula kum thep bakla (own goal) haka minit ba 49, u Tellme Mulieh haka minit ba 54 bad u Nidaroi Mulieh haka minit ba 62. Na ka liang ka Nangbah Khloopano ïa ka shikol la thep da u Teibor Lamare haka minit ba 18.
Ha ka jingïakhun kaba ar ka Da I hi Mynsngat kala pynliem da 4-2 kol ïa ka Lumchyrmang Mihmyntdu, ïa ka kol na ka Da i hi Mynsngat la thep da u Army Talang haka minit ba 7 & 63 bad u Deepson Tokbi haka minit ba 26 & 28, ïa ki kol na ka Lumchyrmang Mihmyntdu la thep da u Embor Chyrmang haka minit ba 34 bad u Soki Chyrmang haka minit ba 70.
Ha ka jingïakhun kaba lai hapdeng ka Pamanik bad ka Mookyrdup kila poi sha ka jingïakhaid da mar shikol (1-1), ïa ka shikol na ka Pamanik la thep da u Shanbait Suchiang haka minit ba 15, na ka liang ka Mookyrdup la thep da u Luckystar Sungoh haka minit ba 28.
Katba ha ka jingïakhun kaba saw ka Iooksi Youth Welfare SC kala pynliem da 2-0 kol ïa ka Ksehsylle Ialong, ïa ki kol na ka Iooksi Youth Welfare SC la thep da u Pyrkhat Pasleiñ haka minit ba 1 bad u Pyrshang Tangliang haka minit ba 22.