Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 30 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka kynhun ïalehkai jong ka Newhill kala pynliem da 3-0 kol ïa ka Moodymmai, ïa ki kol na ka Newhill la thep marwei da u Samson Swer haka minit ba 9, 30, & 51.
Ha ka jingïakhun kaba ar ka Madan Thadmuthlong kala pynliem da 3-1 kol ïa ka FAM, ïa kitei ki kol na ka Madan Thadmuthlong la thep da u Pynïaid Tang haka minit ba 1, u Precious Tang haka minit ba 55 bad u Womhasa Suchiang haka minit ba 70. Ïa ka shikol na ka FAM la thep da u Yoohimi oo tre Patweth haka minit ba 30.
Haka jingïakhun kaba lai ka Mookymphad Mihmyntdu kala pynliem da 4-0 kol ïa ka Lumïongkajam, ïa ki kol na ka Mookymphad Mihmyntdu la thep da u Becousemi Shylla haka minit ba 13, 16 & 44 bad u Dapyrkhat Suchiang haka minit ba 69.
Katba ha ka jingïakhun kaba saw ka Dongneiñ Mookaswan kala pynliem da 2-0 kol ïa ka Umchangiar, ïa ki kol na ka Dongneiñ Mookaswan la thep da u Lastborn Phawa haka minit ba 13 bad u Ksaid Shylla haka minit ba 67.