Jowai: Ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 29 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi kaba la long hapdeng ka Lumpyrtuh Mihmyntdu bad ka West Madan Munstem kila poi sha ka jingïakhaid khlem don kiba thep kol (0-0).
Ha ka jingïakhun kaba ar ka Phramer kala pynliem da 1-0 kol ïa ka Catholic Youth Mihmyntdu, ïa katei ka kol na ka Phramer la thep da u Chanborlang Khyriem ha ka minit ba 54.
Ha ka jingïakhun kaba lai ka kynhun Saiñdur Mihmyntdu bad ka Royal Pole Mihmyntdu kila poi sha ka jingïakhiad khlem don kiba ban thep kol (0-0).
Katba ha ka jingïakhun kaba saw ka Chyrmang Wah kala pynliem da 3-0 kol ïa ka Nangbah Pohshnong, ïa ki kol na ka Chyrmang Wah la thep da u Shynna Khlem ha ka minit ba 16, U Apsar Khlem ha ka minit ba 43 bad u Arkiru Bang ha ka minit ba 59.