Ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi saitjaiñ 20 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi kaba la long hapdeng ka West Madan Mustem pyrshah ïa ka Lumkhangdong Kyndongtuber kila poi sha ka jingïakhaid khlem don kiba thep kol (0-0).
Ha ka jingïakhun kaba ar ka Royal Pole Mihmyntdu kala lah ban pynliem da 1-0 kol ïa ka Nangbah Khloopano, ïa katei ka shi kol na ka Royal Pole Mihmyntdu la thep da u Dayomiki Ryngkhlem haka minit ba 55.
Haka jingïakhun kaba lai ka kynhun ïalehkai jong ka Da-i-hi Mynsngat kala pynliem da 4-0 kol ïa ka Dongneiñ Sohmynting, ïa kitei ki kol na ka Da-i-hi Mynsngat la thep da u Deepson Tokbi haka minit ba 15 & 49 bad u Carlus Hadia haka minit ba 31 & 33.
Katba ha ka jingïakhun kaba saw kila poi sha ka jingïakhiad mar shikol (1-1) hapdeng ka Moodymmai bad ka Pammanik.