Ka War Jaiñtia Students’ Union (WJSU) hadien ka jingpynlong ïaka jingïalang kaba kyrkieh bala pynïaid da u Vice President ka seng u ma Heart casing Dkhar ha kane ka sngi siatjaiñ 26 tarik ha Amlarem, kila shim rai ïa KA rai, kaba long pyrshah ïa ka jingTHMU tip marpoh khyndew (Major Mining) hapoh katei ka thaiñ War Jaiñtia, namar kane ka lah ban ktah ïa ka mei mariang bad ïa ki nongshong shnong.
Hadien ka jingïatai ha katei ka jingïalang da kawei ka jingmut kila rai ban maham jur ïa kino kino kiba thmu ban tih marpoh kyndew da kiba heh kiba long (Major Mining), nalor ba la don lypa ki Minor Mining hapoh jong kane ka thaiñ.
Shuh shuh kitei ki nongïalam ka seng kila pynsngew wat ïa ka jingtip marpoh khyndew (Minor Mining) ïa kiba la ioh licence da ka sorkar kila wanrah ïa ka jingktah ha ka mariang, hynrei kala long pat kum ka lad ban pynïoh kam ïa ki briew jong katei ka thaiñ.
Halor kane ka seng kala ïoh jingtip ki don kiba thmu ban wanrah ïaka jingtih marpoh khyndew da kiba heh (Major Mining) kiba la ïoh Licence na ka sorkar hapor War Jaiñtia, hynrei na ka liang ka War Jaiñtia Students’ Union kala buh da ka jingmaham kaba tyngeh ïa kino kino kiba thmu wanrah ïa kum kine ki (Major Mining) hapoh katei ka thaiñ War Jaiñtia.
Ka seng ka ïeng haka nongrim kaba skhem kata ban ïada ïaka mei mariang naka jingshah pynjulor bad kan ïaleh ban wanrah ïaka bah ka miat naka bynta ka lashai jong ka thaiñ War Jaiñtia hi baroh kawei, la pynkut ka kyrwoh na u Gabriel Shylla uba dei u Publicity Secretary ka WJSU Central Body, Amlarem.