(Da u Chawit Sariang, Laher)
Ngi ki nong shongshnong jong ka thaiñ Labang kynthup ia ka shnong Muriap, Murap, Madanmyni, Laher, Mukhim, Umsalait, Mynju, Muknor ki ba hap ha ka Elaka jong ka Labang Nangpyllut, Block I ngi pynpaw ka jingsngew diaw bad sngewtieng ba kane ka sorkar mynta ha ka jing ialam u Conrad Sangma ki la iaid shaphrang ban pynbeit ia u pud u sam ha kane ka wat ba ar (Second Phase), namar ha ka wat ba nyngkong (Phase I) kala pynbeit ia u pud u sam da ka ba die ia ki jaka jong ka Meghalaya sha ka Assam ban pynhun ia ka Assam. Namar kata ngi ki nong shong shnong jong ka Labang ki ba ker sawdong da ki shnong Karbi ioh ba u Conrad un die noh sha ka Assam namar ki Karbi ruh ki pyrshah bha mynta ia ka give and take policy kim shah ia ngi ban leit sha Meghalaya. Ngi kum ki nong shong shnong jong ka Labang ngim treh da lei lei ruh em ban leit sha Assam.
Ngi kyrpad ia ka sorkar Meghalaya bad Assam ba kan leit kylli shwa na ngi, ngi kwah shano? Assam ne Meghalaya. Ngin sa long mraw shuh shuh la da ngi leit sha Assam haduh mynta mynne ngi long mraw ha ki Karbi ngim don bynta ruh ei ei ha ha ka jingnang jingstad kumjuh ha ka roi ka par. Ngim don wat ia ka LP skul ruh na ka state ne District na baroh arliang ki jylla wat ki skul Mission ruh ngim don wat ki jop card ka skim ka ba ioh na Central ngim don, kim treh ban wan rah sha kine ki shnong, ki jintrei jingktah ruh ngi trei ei namar ngi hap ai sha ki ruh ka jingioh jingem ngi hap siew sha ki riew shimet ki ba kam ialade ba ki dei ki seng.
Ngi kum ki nong shong shnong jong ka Labang ki paradoh para snam ki kur ki jait, ki seng bhalang baroh jong ki paid hynniewtrep ngi kyrpad na phi ba phin wan hiar hi dalade sha kine ki shnong ba phin iohi da ki jong ki khmat kumno ka Assam ka leh ia ngi.
Khublei shibun.
Sd/-
Mr.Chawit Sariang, Laher, Elaka Labang Nangpyllut Block I.