Ka tnad Civil Defense & Home Guards jong ka Sorkar jylla mynta ka sngi ka 7 tarik Jymmang 2025 ka la pynbna haba iadei bad ka jingthmu ban pynlong ia ka Mock Drill exercise ha ka por 6:30 janmiet.
Haba kren sha ki lad pathai khubor na ka liang u Joint Director ka tnad Civil Defense Home Guards & Commandant u MK Sangma u la ong ha ka por ba lyngkot kane ka jingpynlong ia ka Mock drill exercise kan long ha ki katto katne ki jaka. Ka jingai jinghikai kaba kham janai kan sa long ha ki por ko ban wan ha kaba kan don ka jingiatreilang bad ki Pulit, ka tnad koit ka khiah, ki heh ophisar, bad ki paidbah Nongshong Shnong.
Haba ia dei bad ka mock drill ka ban long shibit janmiet ka ban sdang ha ka por 4 baje, bad ha ka por 6:30 kin pynpah da ka siren bad kan don ka jingpynlip light. Ki la kyntu ruh ia ki paidbah ban ia treilang bad ban pynlip ia ki light ha ki iing ki sem jong ki.