I KYRSU IA KA RI WA KA JAITBRU

 [Da u, Chandame Sungoh
            Chutwakhu, Jowai]

1. Wym īe de i u em kawi ka Party ,
   Lane kawi don ka niam ;
   Ka jingīaryntih waka jingīatylli,
   I te sea wa emkaam tam .
2. Wym īe de i u em kawi ka seiñ,
   Ne kawi don ka Balang ;
   Da ka jingīatylli chirup u ieiñ ,
   Wow pynbha imlang sahlang .
3. U syieñ tyrkhaw ka jaitbru iong i ,
   Ka jingīachoon ia bichni ;
   Ka khwan myntoi ka jingbamsap ,
   Yei kam wabha u khapnap .
4. Khwan spah, kwah burom wei kwah nam ,
   Wa i sñiawbha pyrthai ;
   Mynsien maīa ri wahok heitea wangam ,
   Kam pa nang moo cha thwai !
5. Dang em mo u Sangot u Chutia ?
   U wa kbai wa sneiñ wa klam !
   Ieini i mynsien ksuid wada neh rata ,
   Na i wow pyndooh pyndam .
6. Pateiñ thymme wada nang dastad ,
   To īa pyrkhat yellu ;
   U tih īurim īeibha īeimiat ,
   Iow im kari ka jaitbru !