POITRI PNAR
Da u, Chandame Sungoh
Chutwakhu Jowai .
I MAN KA SYNSHAR KHA-DAR KA RI WAKA JAITBYNRU
- Hawa swe wa tlar ki tyrpeiñ ki tympha ,
Tea kuhea bait su yei wow ioh makna ;
Dalut i khloo i kjam , da pat ki.jri ki kya,
Da ïam ka Beiram-aw , da klam bru ka poisa . - Ki skim sorkar wa boon wow ri sniang ri dakha ,
Naduh ki heh ki haiñ wada shdit da khloh chwa ;
Kiwa ïoh nyntoi neini leh da leh thok leh chutia ,
Pynsmat dei ïakob khwe wa smat u ïoh poisa . - Ki masi bamdoh wa wan ha Khanapara ,
Neini da dai tuh syndon chapoh Bangla ;
Ku dor dohmasi chikilo ynru spah tyngka ,
U chem jingeh tea iki wadooh wa mylla . - Tip hi phi ma-ai ki buit U Conrad Sangma ,
Pyn kudor petrol chilitar haduh tamspah tyngks ;
Tip phi ini waroh toh ka plan da em chwa ,
Lada neh i ku dor tang chisngi daïoh daki klur tyngka . - Kattea leh dang iabieij i ki Khasi Jaiñtia ,
Iakani ka party dang kyrchan tylli rylla :
Iaki party tre ri tea wym em watip wabna ,
Iaki party Garo party Dkhar ia pynjop ia rasa . - Hai hai dawiar dangam, kamtu donhi païa !
Dangem wastad wanang ma ai wadang ïe u pynbha ?
Wow sop wow spaiñ ïei mynsoo ïei takha ,
Chawa sep kasngi wow beh ka tyr-ud ka pakra. (Ka poitri wa kut i kyntien da u dak “a”)