Ka lympung ïalehkai phutbol bala tip kum ka “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 2 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka kynhun ïalehkai jong ka Khliehmyntang Ialong kala pynliem da 1-0 kol ïa ka Caroline, ïa katei ka kol na ka Khliehmyntang Ialong la thep da u Daiolang Pale haka minit ba 49.
Ha ka jingïakhun kaba ar hapdeng ka Pateiñki Sabah pyrshah ïa ka Panaliar kila poi sha ka jingïakhaid khlem don mano mano kiba thep kol (0-0).
Ha ka jingïakhun kaba lai ka Dulong kala pynliem da 3-0 kol ïa ka Da i hi Mynsngat, ïa kitei ki kol na ka Dulong la thep da u Shwami Suchiang haka minit ba 8, u Eristien Pakma haka minit ba 35 bad u Emonmi Hadia haka minit ba 60+3.
Katba ha ka jingïakhun kaba saw kaba la long hadpeng ka Mookyndur bad ka FAM, kine ruh kila ïakhiad (0-0).