Ka Northeast AU (ATS) kala jop da 1 Wicket ïa ka Mission S&YA ha ka jingïalehkai ba Khathynriew (16) jong ka District Cricket League 2025 ba la pynïaid da ka West Jaiñtia Hills District Cricket Association (WJHDCA) mynta ka sngi 17 tarik ha Mini Stadium, Khliehtyrshi.
Ka jingïalehkai kaba la long hapdeng ka Mission S&YA pyrshah ïa ka Northeast AU (ATS). Ïa ka jingkynting toss la jop da Northeast A.U. (ATS) kaba la kam trai ban kawang ball shuwa. Ka Mission S&YA ha ba wan ban tied nyngkong kala kamai 67 runs bad hap baroh 10 wickets haka 13.4over.
Ka Northeast AU (ATS) ha ka pali jong ka ban beh ïa ka thong kala lah ban pynjop bad ïoh 68 runs na ki 28.5 overs bad duh 9 wickets. U Chonbara S Marak ula ïoh ïa ka nam Man of the Match da ka ba ïoh khur 4 wickets na ki 5overs.
Ka jingïalehkai ha ka sngi Saitjaiñ (Saturday) 19/04/2025 kan long hapdeng ka Khliehtyrshi SC pyrshah ïa ka Young Lad’s CC naduh ka por 9 baje mynstep.