Ka lympung ïalehkai phutbol “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi saitjaiñ 10 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Pateinki Sabah kala pynliem da 3-1 kol ïa ka Dulong ha ka jingïashut (tie breaker), ha ka por jong ka jingïakhun kila ïoh mar shikol (1-1), ïa ka kol na ka Pateinki Sabah la thep da u Nambor Lamat haka minit ba 52, na ka Dulong la thep da u Pynkmaimi Phawa ha ka minit ba 54.
Ha ka jingïakhun kaba ar ka Khimusniang kala jop da 2-0 kol ïa ka Luti tuber Ialong, ïa kitei ki kol na ka Khimusning la thep da u Soyn Ryngkhlem ha ka minit ba 11 bad u Vishal Nongpluh haka minit ba 13.
Ha ka jingïakhun kaba lai ka 7-Wasa kala pynliem da 2-0 kol ïa ka Mookyndur, ïa kitei ki kol na ka 7 Waja la thep da u Teibor Malang haka minit ba 7 bad u Riphi oo Shylla haka minit ba 34.
Katba ha ka jingïakhun kaba saw ka Mynthong kala pynliem da 2-0 kol ïa ka Mynsngat, ïa ki kol na ka Mynthong la thep da u Laman Mannar haka minit ba 31 bad u Banrap Pohleng haka minit ba 48.