Ka Jingïohi Jngai ïa ka Jowai Constituency na ka bynta 2023 – 28

“Kylla ngi lah”

[Da u Dr. H.H. Mohrmen]

Ka Lamphang

U Marshall Berman u ong “Phi lah ban ym sngewtynnad ïaka Politik, hynrei ka Politik pat ka sngewtynnad ïa phi.” Kaba mut ba ngim lah ban kiar naka politik. Ki don ruh kiba ong ba ka politik ka dei ka kam kaba jakhlia bad ngi dei ma ngi ba jied ïa ki nongmihkhmat jong ngi. Namar kata hato ngim dei ban kynnoh ïalade ïa kaei kaba jia ha Meghalaya mynta. 

Ka synshar paidbah ka dei ka sorkar u paidbah da u paidbah bad naka bynta u paidbah bad ka jingkylli ka long hato u paidbah u ïashim bynta shisha ha ka kam synshar khaddar? Hato kam dei ka jingshisha ba ngi kut tang haka por ilekshon? Lada ka jylla kan nangroi bad ka synshar khaddar kan bha, ngi donkam ïa ka jingïashim bynta jong u paidbah baroh.

U Heraclitus u ong “Ka don tang kawei kaba ïaineh ha ka pyrthei bad kata ka dei ka jingkylla” bad lada ngim pdiang ïaka jingkylla ne kylla lang bad ka por, ngin shah ieih shadien. Namar kata ki kyntien kyntu kynpham jong kane ka jingïaleh ka dei “Kylla ngi lah” bad kumba ong u Mahatma Gandhi, ale ngin long kita ki jingkylla kiba ngi kwah ban ïohi ha ka jylla ka jong ngi.

Ka jingïohi jngai

1. Nga don ka jingphohsniew ban plie ïa ka jingkhang ba man u/ka briew kin ïoh ïa ka kabu ban ïohmad bad im ka jingim katkum ka jingphohsniew jong ki.
2. Ka Bamsap ka dei ka khlam kaba shyrkhei tam kaba dei ban pynduh syndon ban wanrah ïa ka bha ka miat ïa baroh.
3. Ban nangaibor bad ka jingshemphang ïa ki nongïalam shnong kiba long ki rishotbah jong ka roi ka par.
4. Ban thawlad ba ki samla kin lah ban long ki nongshong shnong kiba larkam kiban synñiang sha ka jingnangroi ka konstitwensi.
5. Ka jingpynkupbor ïa ki kynthei ka dei ka jingpynkupbor ïa ka mynta bad ka lawei.
6. Ka jingshimkhia ka long ba ka roi ka par kan long ïa baroh bad kaba ïaineh.

Ngi ngeit ba ka jingpynkupbor kan pynlong ïa ki briew kiba tip khambha bad kiba ïashim bynta ha ka roi ka par. Ka kam kaba nyngkong ka dei ban thaw ïa ka Jowai Constituency Development Council (JCDC). Kan trei na ka bynta ka roi ka par ka konstitwensi bad ban pynhikna ba ki briew ki ïashim bynta ha ka roi  ka par.

Ki thong jong ka JCDC ki long:

1. Ban pynlong ïa ka Jowai ka modei konstitwensi
2. Ban ïatreilang bad baroh ki nongshong shnong
3. Ban pynroi ïa ka lariti, ki kam byrngia, ka sport bad ka put ka tem
4. Ban thaw ki lad ïohkam ïohjam ïa ki samla
5. Ban sdang ïa ki rynsan ba ki samla kin ïohlad ban nangsan bad nangroi
6. Ban trei na ka bynta ka roi ka par kaba kdup bad kynthuplang ïa baroh

Kaei ka Jowai Constituency Development Council?

1. Ka dei ka kali ban pyntyllun ïa ka roi ka par jong ka konstitwensi
2. U MLA un long u Chairman ban khlieh ïa ka JCDC
3. U kitkhlieh ïa ka jingïaidshakhmat jong ka Council
4. Un shim jingïarap na ki lad jingïarap bad ki ministry na ka bynta ki projek haka konstitwensi
5. Yn ïarap ïa u da ki Co-chairman kiba kynthup ïa ki MDC ka Jowai North, Jowai South, Jowai Central bad Khliehtyrchi-Sohmynting constituency bad ki Daloi jong ki artylli ki elekas.
6. Kan ïakynduh ym duna ïaka shisien shi bnai

Ki kam jong ka JCDC:

1. Ban rai bad pyntreikam ïa ki kam pynroi na ka MLA scheme
2. Ban rai bad pyntreikam ïa ka pisa kaba khate na ka tulop u MLA
3. Ban ïatreilang bad ki department na ka bynta ka roi ka par jong ka konstitwensi
4. Ban pynthikna ba ki kam baroh kin long kiba shai bad kiba beit jingkheñ
5. Ban ai jingtip sha ki paidbah shaphang ki kam pynroi
6. Ban pynthikna ba ki briew ki ïashim bynta haka kam pynroi
7. Ban pynthikna ba ki briew baroh kin nangshai nangkhlañ bad nangïohbor

Ki dkhot jong ka JCDC:

1. Baroh ki Waheh Chnong hapoh ka Konstitwensi
2. 1 ne 4 ngut ki nongïalm na ki seng niam
3. Katto katne ngut kiba la san
4. Ki nongmihkmat jong ki nongrep
5. Ki nongmihkhmat jong ki nongtrei bylla bad nongdie madan
6. Ki nongmihkat ki samla
7. Ki nongmihkhmat ki kynthei
8. Ki nongmihkhmat jong ki nonghikai bad ki khynnah skul
9. Ki nongmihkhmat na ka Art and Culture Committee
10. Ki nongmihkhmat naka Tourism Development Society
11. Ki riewshemphang ha ki tnat bapher bapher (co-opted)
12. Ki briew kiba don ka jingduna ha ki dkhot met bad kiba kyrni haka jingdih buaid

Ka ophis ka JCDC

1. Kan don ym duna ïa u/kawei u/ka nongtrei
2. Yn pdiang ïaki intern bad volunteers kiba kwah ban long shibynta jong ka jingkylla
3. Kan long ka rynsan ban ai jinghikai ïa ki samla kiba kwah ban shim bynta haka politik

Kumno ngin ïatreilang bad ki syrtap bapher haka imlang sahlang ?

Ka jingïatreilang bad ki Waheh Chnong

1. Ban pynlong ïaka capacity building naka bynta ki Waheh Chnong hapoh ka konstitwensi
2. Ban pynlong  ïa ka jingïakynduh ki WC bad ki tnat sorkar ban ïoh jingmut lang
3. Ban pynlong ïa ki excursion ïa ki WC sha ki shnong kiba long ki nuksa (model). 

Ka jingïatreilang bad ki kynthei

1. Ban ïarap ïaki ba kin thaw laka jong ka seng
2. Ka rynsan ba kin ïakynduh bad ïatai ïa ki kam baroh
3. Ban pynlong ïa ki workshop ban nangpynkhlaiñbor ïa ki kynthei hapoh ka konstitwensi
4. Ban trei naka bynta ka roi ka par jong ki kynthei haka konstitwensi
5. Ban ïatreilang bad ki SHG kynthei hapoh ka konstitwensi

Ki kam ban ïatrei bad ki samla

1. Ban thaw ïaka forum kaba yn kynthup ïa ki samla baroh haka konstitwensi
2. Ban pynlong ïaki coaching klas naka bynta ki samla bym pat donkam kiba pynkreh ïa ki eksam kum ka DSC, MPSC, UPSC bad ki eksam ban ïohrung kam ha ki bank.
3. Ban pynlong ïaki ki jinghikai pyntbit (skill training) ïa ki samla na ka bynta ki kam bapher bapher
4. Ban pynlong ïa ki career guidance workshop naka bynta ki samla
5. Ban ïatreilang bad ki sports organisation baroh naka bynta ban pynkiew ïa ka kam sport
6. Ban pynshlur ïa ki samla ba kin sdang treikam lajong bad ïarap pynïoh ïa ki jingïarap ba ki donkam
7. Ban pynlong ïaka youth parliament

Ki kam ba ngin trei bad ki samla

1. Ban thaw ïa ka forum jong ki khynnah skul kaba kynthup ruh ïa ki nonghikai
2. Ban plielad ba ki khynnah skul ki ïoh jinghikai naka bynta ka JEE, NEET CUET bad kiwei pat ki entrance test.
3. Ban pynlong ïa ki jingïakop debate, quiz, thoh essay, draw bad ai rongdur na ka bynta ki khynnah skul
4. Ban pynlong ïa ki camp naka bynta ki samla ba kin ïohlad ban pynïasnoh biang ïalade bad ka mariang
5. Ban ai jinghikai Soft skills ïa ki khynnah skul
6. Ban ai scholarship thied kot ïa ki khynnah baduk

Ka Art and Culture

Ka jingkhlañ jong ka Jowai constituency ka shong ruh haka jingriewspah jong ka haka lariti (culture) bad ka thong ka long ban pynbha bad khraw ïaka Art and Culture khnang ba kan long ka lad ïohkam ïohjam ruh

1. Ban thaw ïa ka Arts and Culture Committee kaba kyrsiew bad kyntiew ïaka Art, Culture bad Music hapoh ka konstitwensi
2. Ban promote ïa ka jinglehkmen New Year kum ka tourist attraction
3. Ban promote ïaka Chad sukra ban khring ïa ki tourist sha kane jinglehkmen
4. Ban promote ïaka Bamphalar, kyrshan ïa ki artists bad ban pynkhraw ïaka Pnar literature
5. Ban promote ïaka Behdieñkhlam khnang ba yn lah ban khring khambun ki tourist shaka jinglehkmen
6. Ban promote ïaka jinglehkmen Christmas ban khring ïa ki tourist
7. Ban pynlong ïaka Jowai Fest shisien shisnem khnang ban promote ïaka Culture, Arts, Literature bad Music, ba kan long ruh ka rynsan ïaki samla ban sei la ki sap

Ban pynkiew ïaka kam jngohkai pyrthei

1. Ban thaw ïaka Jowai Constituency Tourism Development Committee
2. Ban nangpynbha ïa ki tourist spot kiba la don
3. Ban khmih ba pynroi ïa ki tourist spot kiba thymmai
4. Ban khmih ïa ki Unique selling proposition/points (USPs) jong ki tourist spots
5. Ban pynshlur ban sdang guest house, home stay, camp sites and B&Bs
6. Ban ïaleh katba lah ban pynkiew ïa ka kam jngohkai hapoh ka konstitwensi

Ki kam ba ngin trei bad ki nongrep

1. Ban thaw ïa ka seng ki nongrep kaban peit ïa ka kam rep kam riang hapoh ka konstitwensi
2. Ban pynshlur ïaka Rep Tynrai bad ban nangpynkiew ïa ki Agroeclogy Learning Circle
3. Ban ïarap ba kin ïoh ïa ki jingïarap naka sorkar pdeng bad ka jylla khamtam ka KCC
4. Ban pynlong ïaki training ba kin lah  ban pynbha ïaki kam rep

Ki kam ba ngin ïatrei bad ki nongtrei bylla bad ki nongdie madan

1. Ban ïarap seng ka kynhun kaban trei naka bynta ka jingbha jong ki
2. Ban ïarap ïaki ba kin register ha ki tnat Labour bad Urban Affairs
3. Ban ïarap ba kin ïoh ki lad jingïarap ba ai da ka sorkar pdeng bad sorkar jylla
4. Ban pynthikna ba kin ïoh ka jaka die madan kaba biang
5. Ban pynthikna bad ki khun jong ki kin ïohlad ban leit skul
6. Ban ai ki training kiba lah ban pynkiew ïaka jingïoh jong ki

Ki kam ba ngi ïatreilang bad ki briew baduna ki dkhot met

1. Ban ïarap ba ki don ka kynhun lajong
2. Ban pynithuh ïa ki sha ki bor badei peit
3. Ban ïarap ïa ki ba kin ïoh ki jingïarap ba ki dei hok ban ïoh naka sorkar
4. Ban ai training ïa ki ba kin ïohkam ïohjam ba kin lah ban ïeng hala ki jong ki kjat

Ki kam kiba ngin trei bad ki briew ba pang AIDS bad kiba kyrni haki jingdih buaid

1. Ban kyrshan ïa ki seng kiba ki don
2. Ban ïakynduh bad ki barabor ba kin ym sngew shah ñew ne shahieih beñ
3. Ban pynlong ïa ki training naka bynta kiba la ieih ïaka jingkyrni bad ki PLHIV ha ki lad ïohkam ïohjam

Ki kam pynroi

1. Ban nang pynitynnad ïa ka Jowai Constitwensi baroh kawei
2. Ban ïaleh ban pynïasnoh ïa ki shnong bad ki dong da ki surok
3. Ban plan na ka bynta ka New Jowai da kaba pynroi ïa ki shnong khapsor kiba mynta ki shu roi khlem don kano kano ka plan. Kine kila long lypa ki extension jong ka shnong Jowai
4. Ban ïatrei bad ka JHADC ban pyndep ïaka Iawmusiang

Umbam umdih

1. Ban ïada ïaka wah Myntdu bad wah Umngot khamtam ban pynbha ïa ki khlaw bsa um ha kine ki wah.
2. Ban pynthikna ba ka skhim JJM kan treikam

Ka kam kaba ïadei bad ka ñut

1. Ban pynlong ïaka Jowai konstitwensi baroh kawei ka waste-free constituency.
2. Ban sdang ban manage ïaka waste bad pynïakhlad na ïng da kaba ïatreilang bad ki Waheh Chnong bad ban ai jinghikai ïa ki nongshong shnong ha kaba ïadei bad kane ka kam.

Ngi pher kumno na kiwei pat

Kaei kaba u kandidiet u don?

1. Haka liang ka jingnang jingstad la ïoh ïa ka kyrdan PhD
2. U don ka experience ha ka kam kren paidbah, kam trei paidbah sha sor bad nongkyndong, kum u nonghikai bad pynïaid ïa ki skul, kumjuh ruh u nongthoh kot bad u nongthoh kolom.
3. Ula ïoh training ha ka kam nongïalam, ka hok longbriew manbriew bad kiwei pat nala ka ri bad na sha bar ri ruh kumjuh
4. Kaba kongsan eh ka dei ka jinlong hok, ka jinglong shai bad jingbiang jingkheñ (Honesty, Accountability, Transparency) (HAT).
5. La pyndep ïaka jingpule kam niam na Unitarian College Manchester, UK
6. U Kloi ban donate 80% naka tulop ban pynroi ïaka konstitwensi
7. Ula leit ban ai jingkren ha ki meeting bad jingïaseng sha bari kum sha UK, USA, Sri Lanka bad Italy

Ka rukom kanbas ilekshon jong ngi ruh ka pher

1. Yn pynthikna ban pynlut khyndiat eh ka pisa
2. Yn pyndonkam ïa ka pisa tang ha ki bynta badonkam eh
3. Ka jingleit kanbas kan long da ka mon laitluid, kaba bha bad ka bym kawkaw dawdaw

Ki jingkylla kiba khmih lynti hadien san snem

1. Ki nongïalam shnong kin tip khambha bad kin kham ïohbor
2. Ki samla kin long kiba tip khambha, kiba la pynkupbor bad kiba shlur ban ïaid shakhmat hala ka jingim.
3. Ki kynthei ki nangkham shlur bad nangïohbor
4. Ki khynnah skul kin tip khambun bad kin nangroi haka jingnang jingstad bad kin nang tyngshaiñ hala ka jingim
5. Ki surok bad ki lynti syngkieng kin nang bha
6. Ka Jowai Constituency kan long ka Corruption-free Constituency
7. Ka Waste-free constituency 
8. Ki jaka ai jingsumar kiba biang
9. Ki lad ai jinghikai kiba bha
10. Ka Jowai constituency kan long ka model constituency

Kaba ngi tyrwa ka dei ka kabu ban wan rah ïaka jingkylla, bad ki jingkylla kiba ngi lah. Ale namar kata ngin long ka jingkylla kaba ngi kwah ban ïohi haka konstitwensi.