[Da u W. Passah, Nongkrem]
8 u Nailur 2023, la iohi ha social media ba ka IIT Guwahati ka la lap i daw balei kyiuh ka jingkieng por iaid ki trok. Ka daw ka long ba ki bearing badei ban don ha jingkieng ki la sarang tyrkhong bym don ki lubricants ne ka grease.
Ynnai tohkit kumno khei klet pump grease namar dang ap kawei ka jingma kaba kham ma bad kham shyrkhei. Hap ai khublei ia ki planner bad scientist bad engineer kiba la rai ba ka dam kam dei tang den um hynrei ban pun lynti kali. La pule ia ka laiñ jumai bad wat lada ki Lum Khasi Jaiñtia dei zone V, ki Lumshyllong bad U Nokrek lada nujor bad ki Himalaya (Makashang), i Makashang i dei ba dang kha mynhynnin bad mynhynnin ha kalendar geology dei million million tylli ki snem. Te sa ioh rakhe anniversary 50 snem sngi kha hu 2017.
Balei don ki jingma ia ka jingim ka Umiam dam dei kine harum :-
1) Road Engineering Don I Pop:- Phai sha ka National Highway Authority of India NHAI ba la shna ia ka NH-6. Na Umroi haduh Lad NEIGHRIMS don ka jingkieng Dwarksuid bad bud man 3km ne 8 km 3 tylli ki jingkieng paka NH. Katba iban sdang sha khmat i long i Dwarksuid bad ka NHAI khem trei hynrei ieh ia ka kam hu local imat don jingiadei ei ei, bad u la shu maramot Jingkieng na por hyndai ha NH6, lada Khiewahleng u China te kumno ki shipai bad tup bad suloi kin mareh stet sha madan thma.
Hu 2019, u CM ne MR ka Meghalaya uba la pyni ba u iohi jngai uba hu 2021, u la amend ia ito i 1978 gambling act sha 2021 regulation i buit tang dep MoU 1 un buh i casino ha Maikhuli; u la pynbna ba 34 lak ton u dewiong la dep tih lypa naduh u 2014 u snem ba khang tih liewkhnai ka National Green Tribunal NGT. Kumno la rah tarajur na East Jaiñtia sha West Khasi sha Garo ym tip ym tip phi. La kmen ei u Dr.Mukul Sangma ba la ai certificate u MR Conrad Sangma iu Dr Mukul ba u da kohnguh te ia NGT ba Shi ton ruh u Dr.Mukul u khlem pynjaboh te ialade.
Ki aiñ Kali :- Shim ia ki TATA 2518 12 ne 16 shaka. Kito ki kyrteng ym dei mo khlem aiñ. 25 ka thew ia ka jingkhia ka load ba ka TATA ka la ai ban kit ka Factory Permissible Load. 25 mut 25 ton. Ka Ministry of Transport pat ka ai boxis 25% mut 7 ton te total poi 32 ton.18 ruh donkam bha.18X10=180 mut bor engine da Horse Power. Mut 180 tylli ki kulai phareng ki don i bor iwei i 2518.
Te u dewiong u la pynjot ia ka Meghalaya. Dang sdang la don trok TATA S model 1210. Ba ioh Moiong du 2 phut na snieh khyndaw bad tad tad palat ka tih Liewkhnai kine na Assam, Bihar Nepal, la don ita i siew iwei i tiar buh sabon rah 3 na dukan. Te 1210 la pynkhlaiñ ki spring bad bumper la kiew 2 phut bad bym don central divider te lada khei shei bad kali rit te la bunkam kine ki politician kren por tep. La siew 15 ton la kit 45 ton sa sahkut ha riat Puriang da ki bnai.
Te la sdang ki high level da i 2518 12 ne 16 shaka.32 ton dei ka aiñ bad la kit 50 ton. Kali khia 25 ton te baroh 75 ton. Ki weigh bridge sorkari ha Khliehriat ne Umling imat kim thew te phi. Shim nuksa FCI Mawlai Mawroh. La thew trok bad khaw. Lada don record trok khia katno la minus mo. Ioh jingkhia u Khaw. Trok ba rung thymmai hap thew trok khia katno. Lada eh ban shemphang leit rung tuh sha Beltola pan dor shi ton bad draibar ioh katno bai Moiong. Phin lap ba pher wak lywak. Kito sha Silchar shu peit na Khilon Star Cement na WahNangbah sha Mookyndur kito ba thiah ap mechanic ba la bthei engine, gearbox te phi ne dkut axle.
2021 Lber :- La ñion shi ñion High Level ito i Dwarksuid (i jingkieng lyntang te phi imat don Ksuid mo imat), i la dkut 2 lyngkhot. La khot Border Road Force ban repair.
Ha ine i por ka sorkar ka la shah ia ki 12 ne 16 High Level bad All India ban ñion ñion ia i Umiam dam. Kam pyrkhat ruh iei jingkieng Mawlai ha khap CRPF bad i jingkieng Nongthymmai iba hu 1980 i la dkut ar lyngkhot. La iathuh da ki paralok Umpling Polo bad Mawlai ba wat ki khyllung khynnah ruh ki la nang kren Hindi phi kum suwar ka batchi, etc ba ia tim ia tla ki draibar por block. Sa air horn baroh baroh shi miet te kiba thiah Ganesh Das te la jem kloi phi. Don ba shei ha ksing shkor la kyllut shi rta. Ka Motor Vehicle Act la Bret sha ki Ksew.
U Arvind Phookon u chemical engineer ka Jaesoph Company kaba la tei ia ka dam, uba hadien u la leit long professor ha ri Bilat, u la phone sha u bakha jong nga, u ba long ex Director Jaiñtia Cement. U bakha pat u la phone sha nga ban thoh wut wut ha ka The Shillong Times, namar u la ju pule bunsien por thoh ia ka iap ka im ka jait bynriew Khasi Pnar.
Kumba u la iathuh ia ki jingtieng u engineer la thoh ha letters to editor. Ka 2518 TATA ka don engine 180 Horse power.1 HP iaryngkat 750 Watt, I power ito i isteri jaiñ. I motor pump um ha iing 2 mala ruh 3 HP la biang bha. 180 HP ka jingkyrbeh ka engine kan pyntroiñ ia ka dam. 75 ton ñion ia dam. Kato ka um dam ka Jylliew bha bad hei jingjylliew 70 m na sla um, don ka pressure 75 Ton ka um ia ka Kynroh dam. 75 vertical 75 horizontal kin add vectorially 130 Ton sha ito i jingkieng ha trai dam.
Imat ba im peiphang ki enginnering problem i khlem pynmih. Imat I’m salia phi ia ka iap ka im ka Umiam dam namar lym sngewthuh te don i column disclaimer ba lada bam jadai bam i nongthoh se phi.
Ha ka kut lad la phone sha u advocate sorkar Meghalaya H/C, u paralok tangba sngewdei hi ba um lah ban tuklar ba bam mluh sorkar.
Mih sa ka order na Meghalaya High Court ‘ Max load 20 ton”. Tip shuh phi, 20 Ton mut axle load ne Gross. Lada Gross te trok marwei 25 ton. Bad ynda poi Mawblei la sahkut da taiew bad da isynei phi kine All India bad mangi ruh bym kylli kumno 20 ton sahkut Mawblei da ki taiew ki bnai. Ladei phi ban pynshlur ia ki khynnah College science ne technology mo ban pule Law. Ki MV acts ki RC parameters ki dei baroh science bad tech. te yn sa iohi ia ki implementation ki aiñ kali.
Don sa tang iwei i lad ban pyllait im ia i dam. La ai ksai da ka East West Corridor por u prime minister Atal Behari Vajpayee. Na Jerobad sha Nowgong sha Haflong sha Silchar sha 8 mer na bynta Jaiñtia. La ai ksai ruh ba ka surok ka bha bha ym dei kum Mawryngkneng Ratacherra ba la jot laki laka naduh ba la trei Private Work D, te umphniang bam duna.
Bad ia kane te i la thoh. Hynrei ba la ban ka bymsngewthuh ne imat ym salia, ka jingai jingmut ka la kut hei tdem. Ka daw ka long ba kine ki trok High Level ki dei jong kine ki Nongthaw aiñ ki bym tip ia ka jingkordor jong kane ka Umiam Dam bad ruh kiwei ki malik trok ki dei kito ba canvass por elekshon. Kiba donbok duh dei kito ba kit tiles na Jaipur sha Shillong ym don kam kit ki 407 ne 709 TATA.
Kaei ka ban sa jia lada khyllem ka dam bad wat thoh ‘God Forbids’ wei la saitlah.
Ka Meghalaya kan duh 174 Mega Watt ka bor ding da ki spah snem. Ym ia pher na kaba Pom iu Diengiei ioh mynta syiar tang Broiler suda. Ka National Thermal (mut thang du dewiong) Corporation Ltd ka duk bording ba duna dewiong bad ka climate change ba hap pynkhriat por lyiur pynsyaid por tlang te bording la lutsan bha. NEEPCO ba ai boxis 17 Kw ia Meghalaya ka don jingeh ba pei 6 tylli ki pipe ba ka um Kupli bun um mawshun ba bam iu pipe. Ka duh 45 KW na kane.
Sngewsynnei ia kito ha aspata khamtam OT. Ki diesel generator katno eh kin ioh diesel hap leit tawiar ki trok na Mairang ne Mawryngkneng. Bad diesel pynmih PPM 10 ba sniew ban ring mynsiem. Hynrei yn leh kumno te bad ym dei pat ban iam ban kyang hynrei kylli ialade Balei te ngi la ialeh kane ka Hill state, kaba hu 2023 elekshon la shet iu paidbah ba kwah pynim ia ka ri Khasi bad Jaiñtia. Dit dit Teri ka ‘vote vote iangi tang rem u Conrad Sangma’. Peit peit la shoh ia UDP ha Mairang, back stage pat iadoh. U Sing de de 2 state formula ban beh iu Muid ba la jakhom ioh kam ioh jam ki Khasi. Ynda jop leit sha Balpakram phet lut ki skei bad iarkhlaw. Khublei khublei PDF 2 bnai phi la pyneh triang tangba mo eh eh bha phi.
Ym donkam ban iam namar ka dud ba la jaw name yn pynkylla doi iei khyndiat i dud ba dang bha.