Ka tnad ba dei peit ia ka jinglong jingman jong ka suiñbneng ka India Meteorological Department (IMD), Shillong, kala buh ia ki dak ban pyni ia ka jinglong jingman jong ka suiñbneng hapoh ka jylla Meghalaya hapoh kine ki san sngi, kata naduh ka 20 tarik haduh ka 24 tarik mynta u bnai.
Katkum kane ka jingbuhdak ka pyni ba ka jinglong jong ka suiñbneng kan ym long eh kaba don jingma, hynrei ki nongshong shnong pat ki dei ba long kiba peit thuh bad phikir bha ialade. Dei ruh ban bud ia baroh ki kyndon (SOP) kiba la dep ban pynmih da ka sorkar, khnang ban lait na kino kino ki jingjia ba sngewsih.
