Ka Centenary Committee Balang Katholik Pasyih ka pynpaw ia ka jingsngewnguh ia u BleiTrai Kynrad u ba la don ryngkat bad ngi ha ka jingrakhe dap 100 snem ka Balang Katholik Pasyih. Ka jingsngewnguh ba kyrpang eh ia ka Jowai Diocese, Fr. Hilarius Lamare Parish Priest Jowai, Fr. Pius Thuruthiyil Provincial CMF, Fr. Kuriakose Mundakatt Parish Priest Moosiang Parish, Fr. Raphael Maiong Asst. Parish Priest Mooksiang Parish bad baroh lang ki Phadar ki Sister, Katekist, Rangbah Balang bad kipaid riewngeit na kiwei ki parish kiba la don ryngkat bad kyrshan lem ia ngi ha ki liang bapher na ka por sha ka por ban pynkhraw ia ka jingrakhe Centenary jong ngi ha ka 29. 01.2023.
Ka jingsngewnguh ruh ia ka Office Deputy Commissioner West Jaintia hills ba la ai jingbit ban pynlong ia ka Proseshon Iukharist ha kane ka sngi. Ka Committee ka da sngewnguh ruh ia ka Serenity Choir bad Don Bosco Band na Shillong kiba la wan sakhilang ban pynshongshit ha kane ka sngi. Ngi pynpaw ruh ka jingsngewnguh ia ki Police ka Phramer Traffic Cell, ka Dorbar Shnong Pasyih, Seiñraij Pasyih, Balang Presbyterian Pasyih kiba la iarap bad don ryngkatlem bad ngi ha kane kasngi.
Ka jingsngewnguh ruh iabaroh kiba la nohsynianglem bad iarap ia ngi ha ki rukom bapher naduh ki MLA, MDC, ki riewpaidbah na kiwei ki kynhun Balang bad ki riewngeit na kiwei ki Parish. Khlem da klet ruh ia ki paidriewngeit kiba la treishitom khlem tyngkai ia la ka buit ka bor ban pynjop ia kane ka sngi. Ia phi baroh bad ki ba ngim lah ban pynpaw kyrteng iwei pa iwei, ngim lah ban siew kylliang ia phi hynrei tang ka jingduwai bad ai ba u Blei un kyrkhu kyrdoh ia ka ïing ka sem bad ki kam ki jam jong phi ba phin dang lah ban bteng ia ka jingshakri bad jingsbun jong phi ha kiwei ruh.
Khublei shibun
Centenary Committee Balang Katholik Pasyih.