KA JINGSNGEWNGUH BAD JINGAI KHUBLEI NA KI BA HAING U (LATE) PYNDAPBIANGMI RYNGKHLEM

[U (Late) Pyndapbiangmi Ryngkhlem]

Ngi kiba haing hasem jong u (L) Pyndapbiangmi Ryngkhlem (9 snem ka rta) ba khlad ha ka 1^st December, 2023 ha ka jingngam jyllop ha “KdongumKhangrah” shadien ka park Heaven’s Cove, SyntuKsiar, Jowai ngi pynpaw ka jingsngewnguh bad jingkhublei ia phi kiba haing hasem, ki paralok para jor kiba ia ithuh bad ki bym lah ithuh ruh kumjuh, ki marjan marpa, ki kha ki man, U Waheh Shnong bad ki nongkitkam jong ka Shnong Mookyrdup ryngkat lang ki nongshong shnong baroh, ia ka Police Department, ki nongtrei ka Jowai MCH Hospital, Panaliar, Jowai, ki nongtrei ka Ambulance Jowai MCH Hospital kiba don ha la i jong i jong i bynta ban wan iarap bad sngewlem ia ngi ka ing ka sem ha kum kane ka jingjia basngewsih ba khlem poi pyrkhat naduh ban sei ia ka met u Khun jong ngi napoh um bad ban pynkit sha Jowai, MCH Hospital, Panaliar, Jowai.

Ngi pynpaw ruh ka jingsngewnguh ia ka Seng War Jaintia Social Welfare Organisation kaba la ai ia ka Ambulance ban kit bad pynpoi ia ka met u khun jong ngi na Jowai, MCH Hospital sha ing sah jong ngi.

Kumjuh ruh ngi pynpaw ia ka jingsngewnguh ia U Principal ki nonghikai bad ki kynnah jong ka Skul All Saint Diocesan Secondary School Jowai ba pule u khun jong ngi (L) Pyndapbiangmi Ryngkhlem. Kumjuh ruh ngi pynpaw ka jingsngewnguh ia u Principal bad ki nonghikai jong ka skul North Liberty Higher Secondary School, Jowai ka skul ba shait pule u khun jong ngi mynshwa.

Ngi pynpaw ruh ka jingsngewnguh ia ki paralok ba iatreilang i kmie jong u na ka dukan Ilahui, Jowai bad ki paralok ba iatreilang u kpa jong u na ka Union Bank of India Newhill Jowai. Kumjuh ruh ngi pynpaw ka jingsngewnguh ia ka Meghalaya Bank Employees Association kiba sngewlem ia ka jingduhnoh ka jong ngi ia u khun jong ngi.

Ngi pynpaw ruh ka jingsngewsnguh ia ki Pastor, ki tymmenwasan bad rangbah jong ka Balang Presbytarian Thadlaboh, Jowai ki ba pyndep ia ka niam ka rukom ban tep ia ka met u khun jongngi ha ka 2 tarik u bnai December, 2023 ha Lum jingtep ka Balang Presbyterian Thadlaboh Jowai.

Sa shisien ngi pynpaw biang ia ka jingsngewnguh bad ai khublei ia phi baroh bad u Blei un don ryngkat bad phi bad ka ing ka sem jong phi hi baroh kawei.

KhubleiShibun.

Na kiba haing:

1. U Baphinsuklang Law (Kpa)
2. Ka Lamshwadaka Ryngkhlem (Kmie)
3. Ka Kammonma-ai Ryngkhlem (Mei-ieid)
4. Ka Arwaka Ryngkhlem (Beimai)
5. U Ewanmi Ryngkhlem (Mama)
6. U Wellborn Ryngkhlem (Mama)
7. Ka Tiewlyhun Ryngkhlem (Beikhian)
8. Ka Thygrace Ryngkhlem (Hymmen)
9. Ka Dakani Ryngkhlem (Hymmen)
10. Ka Alviana Ryngkhlem (Para)