Ka Jingtip kyllum bad Jingbthah na ka bynta ki Paid Nongshong Shnong halor ka Formalin

GOVERNMENT OF MEGHALAYA

DIRECTORATE OF FISHERIES :: SHILLONG

Ka Jingtip kyllum bad Jingbthah na ka bynta ki Paid Nongshong Shnong

1. Ka Formalin ka dei ka kynja dawai ba la khleh bad ka um kaba don 37%  ka Formaldehyde  ia kaba jupyndonkam kum ka dawai pynkhuid, bad kumjuh ruh ban pynneh ia ka met ki mrad (ba la iap) na ka bynta ki jingpule.
2. Ka Food Safety and Standards Regulations 2011, ka khang ban pyndonkam ia ka formalin ha baroh ki jait jingbam jingdih.
3. Ka jingpyndonkam ia ka formalin ha ka dohkha (ba shu wieh ne synreit ha u thah ) ka don ka jingthmu bymhok sha lyndet kata:

1. ban pynjlan ia ka jingehdoh jong ka dohkha ba la tong ne ba la buhthah
2. ban pynthame ia ki nongthied, ba ka dohkha kan i kum kaba dang shu tong
3. Lada ka formalin ka ioh ban rung bun sha ka met u briew, kalah ban thaw jingsuhkpoh, prie, bym tipbriew, shitom u khyllai bad lah ban poi ruh sha ka jingiap
4. Ka International Agency for Research on Cancer (IARC) of WHO ka la kynthup ia ka formalin (formaldehyde) kum kawei na ki daw ba lah ban thaw cancer ha ka met u briew, ha kaba la don ki sakhi ba ka dei ka daw jong ka cancer ba ktah ia u tangkro.
5. Ka daw bah jong ka jingpyndonkam ia ka formalin da ki nongkhaii bymhok ka long  ban pynneh ia ka dohkha na ka jingpyut kloi bad shukor ia ki nongthied ba ka dohkha kan  long kaba biang ban pyniaid iew. 

Jingbthah sha ki Nongbam dohkha:

1. Ki nongbam dohkha kidei ban da sait khuid sani bha da ka um kor bun sien ia ka dohkha, ban pynduna ne pynkhuid na ka formalin
2. Shet pynthnam bha ia ka dohkha haduh ba ka jingkhluit kadohkha ka nym duna ia ka 75°C kaba lah ban weng ia ka formalin.
3. Ki nongthied/ nongbam dohkha ki lah ban pynthikna  la ka dohkha ka don formalin ne em, da kaba pyndonkam ia ki tiar ban test kiba lah ban ioh, kata ki rapid detection kit “CIFT Test” ba la pynmih da ka  ICAR-CIFT, Cochin. Ka jingshim nongmuna ka long kaba suk ban leh bad ba ioh kaiphod ha shen lada don formalin ne em ha ka dohkha.

Jingbthah sha ki nongkhaii bad nongdie dohkha ba wanrah na bar.

1. Ia ki dohkha ba wanrah, dei ban da tip thikna ia ka tynrai ba ki wan poi na ei.
2. Ki nongkhaii ne nongdie dohkha kidei ban kiar na kaba pyndonkam ia ki kynja dawai ne jingkhleh kiba kynthup ia ka formalin ha kano kano ka por ba shalan ne buh stok dohkha.
3. Wat nym khleh formalin ha kino kino ki jait jingbam, khamtam ia ka dohkha.
4. Ka jingkhleh formalin ka long beain bad lah ban shah pynshitom ha ki bor jong ka ain.
5. Ha ba shalan ia ki dohkha na sha jngai, ngi hap ban pynthikna ba ki kor pyndaitthah ki treikam bha lane u thah ba pyndonkam u dei ban da syrtapbha ia ka synduk ba la thep dohkha.
6. Ki nongkhaii kidei ban don ka jingkitkhlieh ban nym don ka jingpyndonkam ia ka formalin khnang ban ioh ka jingshaniah jong ki nongthied ban ym buh jingma ia ka koit ka khiah.
7. Ki nongkhaii ki dei ban pynmlien, ba ha shuwa ban wanrah dohkha shalan sha jylla, kidei ban pynthikna shuwa da kaba leh test ban nym don ka jingkhleh formalin ha ryngkat ka syrnod jong ka tnat ba dei peit ban khmih.

Sd/-

                                                                                                            Director of Fisheries

                                                                                                            Meghalaya, Shillong

[Advertisement]:-