Ka Block I ka kynthup ia ka Elaka u Dolloi Nongphyllut, shibynta ka Elaka Raliang, shi bynta ka Elaka Shiliangmyntang bad shi bynta ka Elaka u Dolloi Nangjngi ia kiba ka Sorkar Assam ka la pynkhlad jubor na ka ri Jaintia, hapdeng ka jingbym hun ki paidbah nongshong shnong ban pyniasoh ia ki bad ka jaka jong ki bad ka Mikir Hills District (Karbi-Anglong ba mynta) ha ka snem 1951.
Ka kam Block I, katba lah ban sngewthuh kam dei ka kam ia khajiapud hapdeng ka West Jaintia Hills District Meghalaya bad ka Mikir Hills (Karbi-Anglong), Assam, hynrei ka dei ka kam ba ka sorkar Assam ka dei ban pynphai biang ia kane ka Block I, na ka Mikir Hills District sha ka Jaintia Hills.
Ka kam Block I, ka dei ka kam retransfer (ban pynphai) biang ia kane ka Block I sha Jaintia Hills
Ka sorkar Meghalaya, ka la thung ia ka Regional Committee ban ia pynbeit ia u pud u sam. Hato kane ka Regional Committee for Border issue ka shim tang ia ka jaka ia khajia pud ne ka shim ruh ia ka kam Retransfer ia ka thaiñ Block I ka issue kaba la sdang naduh ka kam District mynta ka la poi shaduh ka kam jong ka State.
Ka sorkar ka dei ban batai shai ia ka bor treikam kane ka District Regional Committee, ba ki paidbah kin sngewthuh.
