[M.M.Thaiang] – Ba bteng –
Ha ka snem 1957 ka sorkar Assam ka la pynmih sa kawei ka Purwana (Notification) Shithi No. RSR/296/51/130 dated Shillong 23 March 1957, ia ka jingujor lada don, ia kane ka Notification la pynmih ruh ha ka Assam Gazette March 13, 1957.
Ha kaba iadei bad ka kam Labang Nongphyllut, Nongphyllut Dolloiship, ka Elaka kaba la pynkhlad jubor na ka Ri Jaintia lane na ka United Khasi & Jaintia Hills District ha ka jingai District ia ka Mikir & North Cachar hills ha ka 13 taril April 1951, ka sorkar Assam hadien ba ka la sngewthuh ba ka la lehbein ia ki Labang- ki Nongphyllut kiba dei ki Pnar (Jaaintias) kiba shong basah ha ka Elaka u Dolloi Nongphyllut, kham hadien ka la pynmih da kane pat ka Notification No. RSR/296/51/130 dated Shillong 23 March 1957 kaba pyniap ne pynduhnoh ia baroh ki Notification kiba mynshwa halor ka jingiasoipud ia ka phang mihngi jong ka United Khasi& Jaintia Hills bad ka Mikir & North Cachar Hills. U Lat (Governor) ka Assam shwa ban pynbeit ia u Pudsawdong kitei ki District da kaba ong. Kano kano ka jingujor halor kane ka kam lah ban ai da ka jingthoh sha ka sorkar hapoh shibnai naduh ba pynmih ia kane ka Purwana( Notification). Ia kane ka Notification la pynmih ha ka Assam Gazette March 13,1957.
Ha ka ktien Phareng kane ka Notification ka ong “ NO.RSR/296/51/130, IN SUPPERSESSION OF ALL PREVIOUS NOTIFICATION DEFINING THE EASTERN BOUNDARY OF THE UNITED KHASI & JAINTIA HILLS DISTRICT, THE GOVERNOR OF ASSAM PROPOESS TO DEFINE THE BOUNDARIES OF THE SAID DISTRICT, OBJECTION IF ANY, TO THE PROPOSED DEFINITION OF THE BOUNDARIES MAY BE SUBMITTED IN WRITING TO THE STATE GOVERNMENT WITHIN ONE MONTH FROM THE DATE OF PUBLICATION OF THIS NOTIFICATION” S.K. Kagti, Secretary to the Government of Assam, Revenue (Settlement) Department.
Hadien ba ka sorkar Assam ka la pynmih ia kane ka Purwana( Notification) No. RSR/296/51/130, ka sorkar Assam ka la ioh 5 tylli ki jingthoh ujor na ki Nongshong shnong jong ka Elaka Labang-Nongphyllut, Nongphyllut Dolloiship ba kim kwah da leilei ruh ban khlad na ka ri Jaaintia bad kita ki long(1) Ka jingrai jong ka Dorbar Elaka, Labang-Nongphyllut, Nongphyllut Dolloiship kaba la pynlong ha Laher ha ka 26 March 1957(2) Ka jingrai ka Dorbar jong ki Labang-Nongphyllut bad Pangam-Raliang kaba la long ha Lamarang 28 March 1957 (3) Ka jingialang ki Labang, ki Nongphyllut, ki Nongtung bad ki Khyrwang kaba la long ha Umbasoo, March 29,1957 hapoh ka jingialam jong u Sah Sten (4) Ka Rai jong ka jingialang jong ki Rangbah ka Block I bad Block II ha Jowai hapoh ka jingialam jong u Kondrik Passah (5) ka Rai jong ka jingialang ki Rangbah Block I & II kaba la long ha Nongjrong March 30,1957.(yn dangbteng)-