Ka Kong Amanda Pahkyntein Kyrtong jong ka NPP na Mawkynrew konstitwensi ha ka 3 tarik Rymphang 2025 ka la wan thep kyrteng ialade ha ISBT Mawïong ban ïakhun ia ka Elekshon MDC sha KHADC.
Ia ka Kong Amanda Pahkyntein la wan synran lang da u Lok jong ka U Bah Banteidor Lyngdoh uba dei u MLA Jong ka Mawkynrew konstitwensi.
Haba kren sha ki lad pathai khubor, ka Kong Amanda, ka la ong ba ka thong ka long ba pynkhlaiñ ïa ka khyrnit kaba hynriew namar ka dei ka Atiar kaba khlaiñ ka ban ïada ïa ki paid riewlum.
Shuh shuh ka la ong kum ka nonghikai kaba hikai skul khlem kano kano ka jingsiew, lada ka ïoh ïa ka jingjop kan noh synniang sha ki khynnah skul kiba duna ha ka ïoh ka kot bad kumjuh ruh ban ïakren ban pynphai biang ïa ka primary education sha ka KHADC.