[Da u M.M. Thaiang] –
Ki Nongshong shnong ka Thain Labang-Nongphyllut, Elaka u Dolloi Nongphyllut bad ki Pangam-raliang kiba la shah ktah da ka Notification jong ka Sorkar Assam No. TAD/R/31/50/149 April 13 1951, ki la ujor bad pyneh triang pyrshah ia ka Sorkar Assam, kid a khlei da ki kyntien ba kin ym pyndem ialade ha ka jingban bor ka Sorkar Assam naba ka buh jingma ia ka im ka iap jong ki. Ha kane ka jingpyrshah bun ki NONGIALAM jong ka Thain ki la shah kem bad set PHATOK ia ki sha Phatok Baithalangsoh bad sha Nowgong kum u Trod Thaiang, u Jony Tamaha, u Bulut Lakhaden, u Eliwon Lyngdoh Nongsubi, u Jony Lyngdoh, u Basa Rongphar, u Sbut Larom, u Saning Larom, u Bongthe Samaiang , u Thung Khyrwang bad u Sib Sutong uba long ruh u General Secretary ka Labang-Nongphyllut, Nongphyllut Dolloiship Elaka Dorbar. La kem ia ki tang namar ba ki pyrshah ia ka jingpyniasoh ia ki briew bad ia ka jaka jong ki bad ka Mikir & North Cachar Hills District.
Haba shim na ki jingthoh pynsah kynmaw (Cronicle) jong ka Elaka Nongphyllut, Elaka Dorbar,katba kine ki Rangbah (ki Waheh) ki dangsah hapoh Phatok (Baithalangsoh bad Nowgong) ki Nongialam kiba dang samla ki la nangmih bad nangbun shuh shuh ban pyrshah ia kane ka jingleh donbor jong ka Sorkar Assam bad nangpynskhem shuh shuh ba ki briew bad ki khyndew ki shyiap jong ki ki dei ban don hapoh ka Jowai Subdivision Jaintia Hills bad ki la phah bun tylli ki jingthoh sha ka Sorkar Assam ha ka ban pyniasoh biang ia ki bad ia ka khyndew ka shyiap jong ki sha ka Jowai Subdivision United Khasi & Jaintia Hills District.
Shuh shuh ki jingthoh pynsah kynmaw ka Elaka ka ong ba ha kata ka jingiakhih bun ki khynnah Samla ki la shah shoh shahbom kumjuh ki khynnah samla kynthei ki la shah lehtohmet ha ki Assam Pulit (ka jingthoh pynsah kynmaw ka ong “ THE ASSAM POLICE EXTENT THEIR HANDS WRONGFULLY TO THE WOMEN FOLKS”.
Ha kane ka jingiakhih kaba khlem sangeh, u C.S.Booth, Subdivisional, ka Jowai Subdivision, u la hiar hi ban wan jngoh ia kane ka thain da kaba pynlong Dorbar ha Mooluber, ha Phlang (Phlangmoorud) bad ha shnong Laher bad hadien kane ka jingwanjngoh u C.S.Booth, ka sorkar Assam ka la sngewthuh ba ha ka jingai District ia ka Mikir & North Cachar Hills, ka la lehbein ia shibun bah ki Pnar ban pynkhlad ia ki na ka Jowai Subdivision jong ka United Khasi & Jaintia Hills District bad ka (Sorkar Assam) la pynmih ia ka Shithi MEMO NO.TAD/REV/90/55, Shillong the 21st November 1955, Under Secretary Government of Assam Tribal Area Department su Chief Executive Member Mikir Hills District Council Diphu bad ka shithi ka ong kumne;-
UNDER SECRETARY TO THE GOVERNMENT OF ASSAM
Ha,
U Chief Executive Member,
Mikir Hills District Council, Diphu
Subject:- Ki Pud khap District ka United Khasi & Jaintia Hills bad ka Mikir Hills
Ref.Sl No. DC XXVI/53/7421-23, dated 4th July 1955. Na u Secretary Executive Committee United Khasi & Jaintia Hills District Council.
Sahep,
La phah ia nga ban iathuh ba la bthah ia ka Survey Department ban soi pud ia ka Mikir Hills Autonmous District ha ka Samoi ka bahn wan (in the next field season). Na ka liang jong nga, nga kyrpad, khnang ban lait na ka jingiamong ki briew. Ia aka jingpyntreikam ia ka ban pynbeit ia kane ka thain kaba don hapoh ka jingiakhajia. Ia kane ka kam yn buhteng tat haduh ba la pynbeit ia u pud u sam ka Mikir Hills. Dei ruh ban bthah ia ki briew ban ym repbor ia kano kano ka jaka jong kiwei.
Sd/- D.Das
Secretary to the Government of Assam
Tribal Areas Department, Shillong.
Nangta la pynbud sa kane ka Shithi Memo No. TAD/Rev/90/50 dated Shillong November 1955, copy with a copy of letter No.D.C.XXVII/4/53/7421-23 dated 4th July 1955, na u Secretary Executive Committee United Khasi & Jaintia Hills District Council ba la phah copy ia kane sha u Deputy Commissioner United District of Mikir & North Cachar Hills ba kin dup tip.
Da ka hukum (by order)
Sd/-R.T.Rymbai
Under Secretary to the Government of Assam
Tribal Areas Department
Memo No. TAD/Rev/90/55(s) Shillong 21st November 1955
La phah copy to the Secretary Executive Committee United Khasi & Jaintia Hills District Council ba kin tip.