Ka Join Committee jong ka Elaka Nongkhlieh kaba la long ha ka 9/03/2026 ka la shim ia ka rai bad pyntip paidbah bad ruh sha baroh ki sengbhalang, ki seng treimon sngewbha kiba treikam hapoh ka Rilum Jaintia bad hapoh ka jylla Meghalaya hi baroh kawei, ba na ka liang ka Elaka Nongkhlieh ka pyntip ba naduh ka 14 tarik u bnai Lber (March) 2026 kan ym shah shuh ia kino kino ban trei kam hapoh u pud u sam jong ka Elaka Nongkhlieh.
La bthah ruh ia kino kino ki Sengbhalang ba don ophis lane jaka trei hapoh u pud u sam ka Elaka Nongkhlieh ba kin kynriah bad khang khyrdep noh ia ki ophis trei kam jong ki, ki ba dang hap hapoh ka Elaka Nongkhlieh.
Nangne sha khmat, kino kino ki Sengbhalang lane ki Seng trei mon sngewbha kim lah shuh ban rung shapoh u pud u sam ka Elaka Nongkhlieh khlem da ioh jingbit shwa na ka Elaka.
Kino kino ki Sengbhalang ki ba kwah ban wan rung shapoh u pud u sam ka Elaka Nongkhlieh ki hap ban pan jingbit shwa na ka Elaka bad ruh ban pyntip ia ka daw, ka nongrim bad ka jingthmu jong ki ba ki kwah ban rung lane ban leh hapoh ka Elaka. la kane ki hap ban ai shwa da ka jingthoh kumba shibnai shwa ka por khnang ba ka Elaka kan rai la kan shah ne em ia ki ban wan rung shapoh u pud u sam ka Elaka.
Ka Elaka Nongkhlieh ka kyrpad ia baroh ban bud bad burom ia kane ka rai jong ka Elaka bad ban nym ialeh pyrshah ia kane.
Kane ka long katkum ka jingpyllait khubor na u ma F. Bareh, Secretary Elaka Nongkhlieh.
