Ka Industrial Training Institute (ITI), Khliehriat hapoh ka skhim Craftmen Training Scheme na ka bynta ka sesion 2025-26 (ka kurs ba shi snem) ka la plie ia ka jingïoh rung ha ki katto katne ki rukom ai jinghikai ne trades, ha kaba ia ki application lah ban ioh lyngba ka offline bad online.
Ki kam jinghikai ki kynthup ia ka Driver cum Mechanic (LMV) na ka bynta hynriew bnai, Surface Ornamentation Techniques (Embroidery) na ka bynta shi snem (ia kiba la pyndep Class 8) bad Computer Operator and Programming Assistant bad Cosmetology (na ka bynta shi snem) na ka bynta ki bym duna ban pass Class 10.
Ki application form lah ban ioh na ka ophis jong u Vice Principal, Industrial Training Institute, Khliehriat ha ki por treikam. Kiba kwah ban aplai lyngba online, ki lah ban phah ia ki form ba la pyndap pura sha ka website: dectmeg.nic.in. Ka tarik ba khatduh ban pynpoi ia ki form ka long ha ka 31 tarik u July, 2025.
Ki kot ki sla kiba donkam ban ai kynthup ia ki Passport size photo, ka jingpynshisha ia ka sngikha (Birth Certificate/ SSLC Admit Card/ SSLC Pass Certificate), ka Caste Certificate, Marksheet jong ka Class 8, Marksheet Class 10 (ia kiba aplai ha ki trade kiba donkam ia ka Class 10 kum ka minimum qualification).
Na ka bynta ka jingtip ne jingkylli, lah ban leit jngoh sha ka ophis jong u Vice Principal, Industrial Training Institute, Khliehriat ha Old Sub-Division Office, Khliehriat, East Jaintia Hills District, lane phone ha kine ki number ha ki por treikam: 8837267102 / 7629907830 / 7628025511.
Kane ka long katkum ka jingpyllait khubor na u Vice Principal, Industrial Training Institute, Khliehriat.