U Deputy Commissioner, East Jaintia Hills District ula pyntip paidbah ba na ka liang ka tnad shipai Indian Air Force (IAF) ka khot aplikeshon na ka bynta ki samla shynrang bad kynthei ki bym pat shongkurim ban wan sha ka jingpynrung kam (Recruitment Rally) kum ki Agniveervayu ka ban sa long ha ka nongbah Shillong ha ka 20 tarik u Lber haduh 23 Lber 2026 ha Head Quarter Eastern Air Command, IAF, Nonglyer PO Upper Shillong, Meghalaya.
Ki nongaplai ki dei ban long kiba la kha hapdeng ka 2 tarik u Naitung (July) bad 2 tarik u Kyllalyngkot (January) 2009, kiba kot 50% ki mark ha ka Class 12 bad 50% ha ka subject English lane kiba passed ia ki Vocational Diploma ruh ki lah ban aplai ia kane ka kam shipai IAF.
Ka tarik ban wan ai ripot na ka bynta ki samla kynthei kan long ha ka 20 tarik u Lber 2026 bad na ka bynta ki shynrang kan long ha ka 22 tarik Lber 2026. Na ka bynta ka jingtip ba kham bniah la bthah ia ki samla ban leit ha ka web portal https://agnipathvayu.cdac.in
Na ka liang jong u DC ka East Jaintia Hills District ula kyntu ia ki khun samla jong ka District ba kin shim ia kane ka kabu ioh kam da kaba leit mih sha katei ka Recruitment Rally, ha kitei ki tarik ba la kdew haneng.
