Ka ophis jong u General Manager ka District Commerce & Industries Centre (DC&IC), West Jaintia Hills District, Jowai ka khot aplikeshon na ka bynta ki samla shynrang bad kynthei kiba shong ba sah hapoh ka District kiba don ha ka rta 18 snem haduh 27 snem bad kiba la pyndep ia ka jingpule Class VIII shaneng ban leit training hapoh ki Units ba la register bad ka ophis DC&IC.
Ki jait kam ba lah ban ioh training ki long ka kam suh jaiñ (Tailoring), Embroidery, Steel Fabrication bad kiwei kiwei de.
Ka ophis kan pdiang ia ki aplikeshon ryngkat bad ki kot ki sla ba donkam kum ki School Certificate, ki Residential Certificate bad kiwei kiwei.
Kan don ka interview ka ban sa pynlong ha ka 18th March, 2026 ha ka por 11:00 AM.
Ha ka por ba dang don hapoh ka training ki samla kin ioh ruh ia ka jingsiew kaba Rs.500/- man la u bnai.
Ia ki aplikeshon bad ki jingtip ba kham bniah lah ban ioh na katei hi ka ophis ha kino kino ki sngi ba long trei naduh ka 3rd February 2026 haduh ka 3rd March 2026.
