KIANG NANGBAH KHLAWAIT KA RI
[Da U Soolangki D.Laloo, Loomkyrwiang, Jwai]
Kiang Nangbah kylleiñ da bna
Khon chah radang ka Ri Jaintia.
Neibynta ka Jaitbru wa ka Ri
Tkut I mynsien mi ha’u tylle pasi.
Wym hun ki khmat mi u peit u ïoo
Da I ki tre chnong wow man ki broo.
Wym hun ki chkoor mi u ap u sniaw
Yei ood ki khon ka Ri, miet, step, sngi, synniaw.
Ȉien mi hei hok, Ȉien mi ha ka nongrim
Ia ka Ri, ka jaitbru u pyn-im.
La ha ka thma nae hei ktien
Wym ran, wym ran chadien.
Nongialeh, nongialam toh sakhiat uni!
U wymtien, wymkhein yei yi, yei yi.
Tang wow suk ki khon ka Ri
Ong u ympher han kut ha tylle pasi.
Khon ka Ri Ȉame kynmoo maia
Im I pyrtuid, I nam mi neh rata.
Ki kyntien wei kam wahok ïongme
Ha I ki pateiñ wow boodlate.
Khon ka Ri! ka juk katni
Khutlang o waroh iaphi.
To iabud nongmuna wabha
Kam u Kiang wa maia ïongphi ïongnga.
Mynsien atnood, mynsien bichni
To beh chajngai nanga, naphi,
Ia sniaw chi-païu, iaman iwi
Ȉow im ka jaitbru, ïow im ka Ri.