Ki bor pyniaid jong ka Civil Hospital, Shillong lyngba i Additional Director of Health Services, Civil Hospital, Shillong la pyntip ba ka don kawei ka met iap jong u rangbah briew ba la tip kyrteng kum u Biswajit Malakar, 50 snem ka rta.
Ia u ne u rangbah la wan pynthiah ha Male Medical Ward-I ha ka jingthiah No.13 ha ka 27 tarik mynta u bnai ha ka por 12:59 PM bad hadien katto katne por ula khlad noh na kane ka pyrthei.
Kumta la kyntu ia baroh kiba don jingiadei, ki kur ki jait ne kiba ha ïing ba kin wan shimti noh ia kane ka met iap na ka jaka buh met iap jong kane ka Hospital hapoh 3 sngi naduh ba la pynmih ia kane ka khubor. La da ym don ba wan shimti ia kane ka met iap ki bor pyniaid jong ka Hospital kin sa aiti noh ia kane ka met sha ka Shillong Municipal Board ban leh ia kaba donkam.
