Ka ophis u Deputy Commissioner & Chairman District Disaster Management Authority West Jaiñtia Hills District, Jowai ula pyntip sha ki nongshong shnong ka District ba katkum ka tnad ba peit ia ka jinglong ka suiñbneng lyngba ka India Meteorological Department (IMD) kan don ka jingjur ka jinghap u slap, u phria bad ka jingtied u Pyrthad naduh ka 15 tarik haduh 19 tarik u Lber 2026 hapoh ka District.
Kumta la buh ka jingkyntu ïa ki paidbah ban bud ryntih ïa kine ki kyndon harum haka por ba jur Slap ka Lyer bad tied u pyrthad ban lait na kano kano ka jingma bad jingmynsaw ki paidbah ki dei ban shong ha ïing ne hapoh ka kali bad da khang ïa ki jingkhang ha ka por ba jur slap bad kiar na ka jingleit jingwan lada ym donkam eh.
Dei ban pynjngai na ki tiar electronics bad ki tiar kiba don wire, kynthup ïa ki telephone (lait noh tang ki bymdon wire ne ki mobile tang lada donkam eh).
Dei ban pynlip noh ïa ki tiar elektrik, pynjngai ïalade na u dieng elektrik, ki wire kiba hap bad ki wire kiba la sniew, dei ban pyntip mardor ïa ki sha ka tnad bording (MePDCL).
La kyntu ban kiar na ka ba leit jngi ha ki wah ne ban leit kai ha kino kino ki jaka ba pynlang um ha ka por ba jur ka lyer bad u slap. Dei ban kiar na ka ba leit sha ki surok, ki wah, bad ki thliew ki ba shlei um. Kiar na kaba leit sha ki jaka ba long lum, ba long madan bad hajan ki um ban lait na kino kino ki jingma.
Lada don shabar khlem jaka rieh, dem khrup da kaba pynïasoh lang ïa ki kjat bad ki kti bad tap ïa ki shkor jong phi, wat thiah ha madan ban lait na ka jingma. Kiar na ki jaka ba heh kum ki lyngkha, ki madan, ki lum bad kiwei kiwei. Pynjngai ïalade na kiei kiei ba jrong kum ki dieng ki siej bad ki tower.
Kiar na kaba rah ïa ki tiar nar kum ki shatri kum ki bicycle bad kiwei kiwei, namar ki lah ban buh jingma haka por ba jur ka leilieh. Pyndonkam da ki raincoat haka por ba jur slap bad leilieh lada donkam ban mih shabar. Wat shaniah ha ki kynroh ne ki jingker ban lait na kino kino ki jingma.
Lada don kino kino ki jingjia ba kyrkieh ki nongshong shnong ki lah ban phone ha kine ki number harum:-
