Ka CCP-Homestay, Rice & Tea Shop ha kane ka 4 tarik mynta u bnai kala plie ia ka dukan thymmai kaba iadei bad ka dukan bam ba kynthup ia ka Ja, ka Sha bad kiwei de ki jingbam. Kane ka dukan ka dei trai da u ma Charles C Phawa na Jowai bad ka don ha Laitkor Rngi, East Khasi Hills, Shillong harud u surokbah shwa ban noh Mawblei.
Ka CCP ka don lang ruh ia ka jakasah miet (Homestay) kaba dang pynkhreh shait shait mynta bad yn sa plie noh shen ha kine ki khyndiat sngi. Nalor kane ka CCP ka don ruh ia ka Dukan shonkot ha kaba ki paidbah ki lah ban wan phah shon ia kino kino ki kot ba ki donkam. Kane ka dukan ka don ia ka jaka pynieng kali kaba kylluid bad ka jaka shongthait kaba biang eh ia ki nongleit nongwan iathuh u ma Phawa.
