U Deputy Commissioner (Supply) ka West Jaintia Hills District, u la pynbna paidbah ba la pyllait ia u khaw AAY, PHH bad u non-NFSA na ka bynta u bnai March, 2026 sha baroh ki wholesalers na ka bynta ban pynpoi sha ki FPS centre.
Ia u khaw Antyodaya Anna Yojna (AAY) yn sam ha ka jingioh kaba 35 Kgs shi khlieh shibnai bad ym donkam siew dor. Ia u khaw Priority Household (PHH) yn sam ha ka jingioh kaba 5 Kgs shi khlieh shibnai bad ym donkam siew dor. Katba ia u khaw Non- NFSA yn sam ha ka jingioh kaba 7.105 Kgs shi card/ïing ha ka dor ba la pynbeit da ka Vigilance Committee bad ym dei ban die tam ia ka dor Rs.14/- shi Kg.
Kumta, la bthah ia ki FPS dealer ba ki dei ban wan shim, ia ki permit na ka ophis jong u Deputy Commissioner (Supply), West Jaintia Hills bad ban sam pyndep hapoh 31st March, 2026 khlem pep da kaba pyndonkam ia ki e-pos machine da ka online mode.
