Da u ma K. Kyndaid, Jowai.
La jan bun kiba pule ia katei ka phang haneng ba la thoh da I Feba Lamin kaba mih ha U kot khubor U NongsainHima dt.03.06.2023, Mawphor 10.06.2023 bad NongsainHima dt.24.06.2023, bad la sngewdonkam ban jingpynshai kumne harum ;-
1. I tei u nongthoh imat tang namar ba la don ba thaw ia ka jingrwai wat ka long ka bym don nongrim ba shisha te pdiang beit kum ka nuksa ka jingrwai da U E. Bretis Roy Wanswett kaba ong – Khynriam u Pnar u Bhoi U War u dei u pait Khasi baiar, hato ka long kaba shisha. U (late) Ondromuney Dkhar (Rtrd) Inspector of School, ha ka Geography Khasi, ba la mynjur da ka sorkar la ia thuh ba Ia ka Ri Jaintia la pyniabynta ha ki 3 (lai) bynta – Ka bynta kaba ha pdeng la khot ki PNAR, ka bynta kaba shaphang East Pakistan (ba khot mynta Baghladesh ) la khot ki WAR (mynta la khot WAR JAINTIA) bad ka bynta kaba shaphang shatei la khot ki BHOI, ia kine la khot ki JAINTIA Ka jingkylli ka mih mynta ba kita ki PNAR kiba kynthup ha ka jingrwai u tei U Bah ki briew kiba na ei pat kiba don ha Khasi Hills ?.
2. Na ka jingthoh I nongthoh Febi Lamin I la khein ne niew beit ba ki Khasi bad Jaintia ki dei ki jaitbynriew HYNNIEW TREP. Ia ka ktien HYNNIEW TREP, la batai bha ha kiba bun ki kot khubor ba ka ka PURISKAM KAI. Kumjuh ruh wat U Father Barnes Mawrie, SDB u batai kumne, NongsainHima dt. 17.04.2012 – KAT KUM KA KHANATANG KI RIEW HYNDAI IA KIBA NGI LA SHU IOH PATENG HA KI PURISKAM PURI NAM…….. . Kane ka long ka jingngeit niam jong kiwei pat ha ka jingngeit jong ki kaba ngi ia burom bad ban ong ba tang namar ba kiwei ngeit te baroh ruh ki dei ban ngeit te ka long kaba bakla. Ka long ka jingmaham pyrshah lada I Fiba Lamin i dei i khristan (pule ka shithi U Apostol Paul sha U TIMOTHI lynnong kaba 1 bad ka dkhot kaba 3 bad 4 – BA MEN YM HIKAI IA KI JINGHIKAI BA LAMLER LYMNE PYNSHAH SHKOR IA KI PURISKAM KAI BA IA KA JINGHIAR PATENG BA KHLEM KUT, KI BA KHAM PYNLONG JINGIASAID BAN IA KA JINGIASHAKRI BLEI KABA LONG HA KA JINGNGEIT (Lynnong 4:7 – HYNREI KYNTAIT IA KITA KI PURISKAM KAI BA THALA BAD BA BIEIT BAD TO MEN PYNMYLLIEM IA LADE SHA KA JINGRIEW BLEI. Ka shithi kaba 1 U Petros lynnong kaba 2 dkhot kaba 16 – KI PURISKAM KAI BA THAW SIANTI.
3. Ka Sorkar Meghalaya ka ong ba don tang 3 (lai) tylli ki jait bynriew heh pait – KHASI, GARO bad JAINTIA bad la kren skhem bha da u Dr.Mukul Sangma, Chief Minister (ST.18.04.2012 – Dr. SANGMA REPORTEDLY THE DETAILS OF THE FRAGILE POLITICAL SITUATION IN THE HILL STATE WITH THREE PRODIMINANT TRIBES – KHASIS, GAROS AND JAINTIAS. Kumjuh ha ka juh ka kot khubor halor ka heading – NO SC/ST ATROCITY CASE IN MEGHALAYA, the Minister said. THERE IS A PERFECT HARMONY AMONG THE THREE TRIBES – KHASIS, GAROS AND JAINTIAS . Kumno I Nongthoh I Feba Lamin I la pynbna sa ia ka jaitbynriew hynniew trep, Ioh ka dei ka jingngeit niam jong kiwei pat, Kaba phylla shuh ba kat U Kynsoibor Pyrtuh u shakri ba rim ha ka kam U Trai Kynrad u ong kumne, ST. 02.06.2023 “the matter is sensitive as it involves two different major tribes. Kaba phylla shuh shuh ba wat U M.L.A ka Nongkrem Constituency uba baroh baroh la ia khmih lynti ia ka lawei ka ri hynrei pleng u tip ba don tang 2 (ar) tylli ki jaitbynriew ha Meghalaya (ST. .11.06.2023 – BUT WHAT WE EXPECT IS THAT THE RECTIFICATION SHOULD SATISFY BOTH THE COMMUNITIES (KHASI AND GOROS) WHO ARE THE INDEGENOUS PEOPLE OF MEGHALAYA)
4. Ka jingbakla kaba khraw ba I Feba Lamin I ong ba U Syiem Rajendra Singh u dei u Syiem jong ka Hima Jaintiapur, ka JAINTIAPUR ka dei tang shi bynta jong ka Hima Jaintia ba la ioh U Syiem Jaintia na u dkhar da kaba thied bad la khot Jaintiapur (NongsainHima dt.09.06.2023 – Kumno U Syiem Jaintia u la ioh ia ka Jaintiapur). Ka ktien Pur ka mut ka shnong ne jaka bad Jaintia pur ka dei ka shnong ne ka jaka U Syiem Jaintia. Ha ka por lyuir u wan shong bad trei kam ha Nartiang bad ha ka por tlang u leit shong bad trei kam pat sha Jaintiapur namar ba la duna ka jingshit.
5. Ki Phareng ki la pyniasoh ia ka Jaintia Hills ha u snem 1835 ( 19th Century) hadien ba la jop ia ka Hima Jaintia ym ka Hima Sutnga.
6. La dei ban ai khublei ia I Fena Lamin ba ia ka date ki Notification ba pher ba pher bad ka Assam Gazette Extraordinary bad kumjuh la iathuh ba U Ma (late) Edwingson Bareh kum u C.E.M, K & J. Autonomious District Council, Shillong u la ai case pyrshah Ia ka sorkar Assam namar ba ka la ai Separate District Council ia ka Ri Jaintia ba la khot mynshuwa KA JOWAI AUTONOMOUS DISTRICT COUNCIL, JOWAI. Hynrei sngewphylla ba I Fena Lamin im shym iathuh kumno ka rai jong ka High Court bad Supreme Court halor ka case ba la ai da U (late) Bareh la u la rem ne jop, hynrei tang kane to tip ko Feba Lamin lada I Bah Edwingson Bareh (Timung) in jin da la jop te ka District Council ba kyrpang ia ki Jaintia kan jin da la shah pyndam noh hynrei ka ieng haduh mynta te ka kren shai ba ka jaitbynriew Jaintia ka dei kawei na ki Scheduled Tribes bad uba ai case u la shah rem jah burom bad ma u hi ruh u la long u C.E.M. ba nyngkong ha ka District Council ia kaba um kwah. Tharai tang ia ka kur tynrai u Ma (late) Bareh im tip, ka dei TIMUNG ka jait (Karbi) bad u kpa u dei na ka jait Bareh kumta la kylla noh sha ka jait U Kpa (BAREH) ban ioh jingmyntoi kumba la ia tip lang. Kumta lah ban ong ba u Minister ba nyngkong eh na Jaintia ynda la ioh state Meghalaya bad CEM, JHADC Jowai, dei u jait KARBI. Ban kham, shai I Feba Lamin I iathuh ba U Dr. Hoimiwell Lyngdoh u la thoh ki kot, hoid ar tylli ki kot. 1. Ki Syiem Khasi bad
Synteng. (ia ki Jaintia la ju khot mynshuwa ki synteng). Nyngkong eh u la batai ia kawei ka jaitbynriew kaba kyrteng “KHAS” ba ka dei ka jait bynriew Khasi hynrei ka dei ka jait bynriew ki Aryan. Ki Phareng haba ki jop thma ia ki Jaintia ha ka 18th century ki lap ba don 5 (san) tylli ki Kingdom 1. AHOM KINGDOM 2. JAINTIA KINGDOM 3. MANIPUR KINGDOM 4. KACHARI KINGDOM 5. KITTERA KINGDOM. HA KA JAINTIA KINGDOM KA KHASI HILLS KAM DON. Ka Jaintia Kingdom ka don la ka jong ka TYNGKA PLIAH da ka RUPA ha Ri Lum Jaintia. La thoh ha ki dak DEVANAGRI ha ki ktien PERSIAN & ARABIC. La khot ia kine ki tyngka pliah, ki TAKRA – RUPIA. Tharai ki don kham bun tylli hynrei la lap tang 15 (khadsan) tylli na ka Nan Kachari kaba don hajan ka ophis U D.C. West Jaintia Hills District, Jowai. Ki dei naduh ki snem 1670 haduh 1788 bad la aiti ia ki ha U (late) Prof.G.G. Swell, M.P. mynshuwa, bad la shim na jingthoh uwei nongthoh kot ba pawnam bad la pynmih ha u kot khubor DONGMUSA dt.26.10.2000 hynrei wat la katta ruh sngewthuh u wei na ki Columist na Jaintia u artatien ia ka jingdon pisa U Syiem Jaintia kumba paw ha u kot khubor Shllong Times. Lada ba kwah ban tip ia ka Jaintia Kingdom lah ban peit ia ka map ka Jaintia Kingdom ha ka jingthoh U (late) Prof. B.Pakem u Vice Chancellor u Jaintia ba nyngkong eh (ba la khlad) ha Meghalaya ha ka kot ‘TRIBAL POLITIC AND STATE SYSTEM IN PRE-COLONIAL EASTERN ANF NORTH EASTER INDIA.
7. U P. R. Gordon D.C. United Khasi and Jaintia Hills, Shillong u la thoh kawei ka kot bad ha kata ka kot u la pyndonkam da ka kyrteng Jaintia bad bunsien da ka kyrteng Synteng. Ha ka page 51 u thoh ba ka niam ka rukom ka dustur ki Khasi ki shaniah ha ka jong ki Synteng (Jaintia)
8. I Feba Lamin I iathuh shai ba U Rev (Dr) John Robert u thaw ia ka jingrwai– RI KHASI, RI KHASI, NGA IEIT EH IA PHA. Yn jin da la sngewnguh ia I Feba Lamin ba in sngewebha iathuh ia ka kyrteng ka kot ha kaba katei ka jingrwai (Khasi AUTHORS) la shon. Ngi baroh ngi kynmaw bad iai kynmaw sah ba U Rev(Dr) John Robert u thaw RI KHASI, RI JAINTIA, NGA IEIT EH IA PHA. .Ia kane ka jingrwai la shon ha ka kot pule, THE THIRD READER” ba la pule ha ka class III ha u snem 1953. Balei I Feba Lamin I kwah ban ai burom ia U (late) Dr (Rev) John Robert da ka jingrwai kaba um shym la thaw. Ia kane ka juh ka jingrwai ieit ri – Ri KHASI, RI JAINTIA, la shon ha ka English Dictionary ba la shon bad pynmih da U M. Harrison Syiemlieh, page 1294 tang ba ka dkhot kaba khadduh la thaw da U Bah S.S.Syiemlieh. Don sa kawei ka jingrwai ba thaw da utei U SAHEP MISSIONERY kaba kyrteng THE SALM OF LIFE kaba ong –KIEI KIEI, I KUM KIBA SHISHA HYNREI YNDA HABA LA TYNJUH BHA, KI LONG PYNBAN TANG KUM KI PALONG HA KI ERIONG KI SHU PRA . Lah ban shem IA KANE ha ka THE FOURTH READER jong utei u Missionery Rev(Dr) John Robert, ba la pule ha ka class IV. Kane Salm ka thew ne ka kdew ia kiba kumno ki briew khamtam ha ki por mynta.
Ha kaba pynkut, ka jait bynriew Jaintia ka dei kawei na ki jaitbynriew Ri lum ha Meghalaya bad India.