Ka ophis u Superintendent of Police ka West Jaiñtia Hills District kala pyntip paidbah ba katkum ka hukum bala pynmih ha ka 17.02.2026 da ka Ïingkashari Special Judge (POCSO), Jowai, ha kaba ïadei bad ka mukotduma Special POCSO Case No. 17/2025 (G.R. No. 16/2024) la btah ia u Lambun Sungoh ba u dei ban wanmih ha khmat ka ïingbishar.
Ki Pulit ki ïathuh ba u Lambun Sungoh 52 snem ka rta, u lok ka kong Philibon Sutnga na ka shnong Khliehrangnah, West Jaiñtia Hills District, ula phet rieh la slem bad um shym la wan mih shuh hakhmat ka Ïingkashari ban jubab ïa ki jingkynnoh pyrshah ïa u.
Ka ïingbishar ka la bthah ba ïa kane ka jingpynbna dei ban phah sha baroh ki lad pathai khubor khnang ba utei u briew un wan mih noh mardor hakhmat ka Ïingbishar.
La pyntip ba u Lambun Sungoh u don ha ka rta kaba 52 snem, ka dur khmat ba long lynshuiñ, u shñiuh ba ïong, ka jingjrong 5.5 phut bad ka sniehdoh kaba kham ïong.
Ki Pulit kila kyrpad ïa kino kino ki briew kiba ïohi ne don jingtip ïa ka jaka sah jong u, kin sngewbha ban pyntip mardor sha ki Police Station kiba jan lane phone ha u Number PCR Jowai : 9774065467.
