Ka KSU Thangrain Unit kaba hap hapoh ka jingpeit jong ka KSU Nartiang Circle ha ka 18.9.2021 ka la pynlong ia ka jingpynkup burom ia ki samla jong ka shnong kiba la wan shakhmat ha ki examin bapher bapher kiba dang shu dep shen.
Kane ka jingpynkup burom ka long kum ka dak ban ban ai mynsiem ia ki khnang ba kin iai trei shitom shuh shuh ha ki jingpule jong ki ha ki sngi ban wan.
Ha kane ka sngi la iadon lang u Reuben Najiar uba dei u Asstt. Education Secretary ka sengkmie uba la long u kongsan ha kane ka sngi, u samla Laitphar Syngkrem Vice President Jaintia Hills District Unit, u Leningrad Tariang Organising Secretary, ki dkhot na ki Unit bad ki Circle bapher bapher. La iadonlang ruh u Waheh Shnong bad Secretary shnong, ki nonghikai bad kiwei de ki riew rangbah.
Ia ka jingialang la pyniaid da u Chanbor War General Secretary ka Nartiang Cicle.
Ha kane ka sngi na ka liang jong ka seng kala kner jingiarap ruh da ki marbam sha ki khunswet kiba don hapoh ka shnong bad ruh la pynlong ia ka jingiaot Cake kum ka dak jong ka jingrakhe ia ka jingdap shi snem jong ka jingiaid lynti jong kane ka Unit.
