Ka Ïalong Mulang Pohshnong Govt. L.P School West Jaiñtia Hills, mynta ka sngi Palei 12 tarik u Lber kala rakhe ïa ka ‘Jubilee Ksiar’ ne ka jingdap 50 snem (1975-2025) ka jingïaid lyngti jong ka haka liang ka jingsam ïa ka jingnang jingstad sha ki khynnah pule jong katei ka thaiñ.
Ha kane ka sngi na ka liang u Myntri ka koit ka khiah jong ka sorkar jylla ma Wailadmiki Shylla ula long kum u kongsan, haka jingdonlang ka Dr. Wa i sa Sumer ka DSEO West Jaiñtia Hills District kum ka symbud kongsan, u Waheh Shnong ka Ialong ma T. Ram Phawa, ki dkhot ka SMC, ki ophisar sorkar, ka Headmistress jong ka skul kong D. Paswet, ki ninghikai, ki kmie ki kpa bad ki khynnah skul.
Na ka liang ka Headmistress jong ka skul ka kong D. Paswet kala pynsngew ïa ka History jong ka jingïaid lynti ka skul, kaba la seng haka snem 1975 kaba don tang lai ngut ki nonghikai, hynrei katkum ka jingïaid ka por ka skul kala ïabeh ban ai jingtip sha ki khynnah skul katkum ki jingdonkam bad haduh mynta ka snem 2026 ki khynnah skul kila don 127 ngut kata naduh klas Arit haduh klas-V bad Lyngba ki skim bapher bapher kiba wan theh hapoh ka skul naduh ka skim MDC kaba 5 lak tyngka, ka MLA skim kaba Rs. 37,02,028/- tyngka, ka PMAGY kaba 20 lak tyngka nalor kiwei de kiba la pynlong ïa ka skul haduh mynta.
Ka Dr. Wa i sa Sumer kala ai khublei ïa ka skul kala la kynjoh sha une u mawmer ba 50 snem bad kam long kaba suk ban phah skul ïa ki khynnah ha kitei ki snem ba sdang ïa ka skul namar ka jinglong nongkyndong bad ka jingduna ka jingnang jingstad.
Kala ong kine baroh dei lyngba ka jingïatreilang jong ka shnong kaba la pynlong ïa kane ka skul kaba jop ha ka jingïaid lynti, ki don shibun ki skul shimet kiba tan ïa kiba bun ki khynnah na ki skul sorkar hynrei kane ka skul pat kala lah ban pynïajan ïa ki khynnah skul bad kila nang pynrung kyrteng shuh shuh ha ka jingbun ki khynnah.
Ka kyntu ïa ki khynnah ban don ka akor burom bad kum ki nonghikai ki don ka bynta kaba khraw ban seng ïa ka lawei ba phyrnai jong ki khynnah skul.
U kongsan ma Wailadmiki Shylla haba ai jingkren ula ong ka jingrakhe dap 50 snem ka skul ka long shi bynta na ka jinglehburom ïa kito ki nongïohi jngai kiba dei ki nongseng ïa kane ka skul, u kyntu ban don ka jingïatreilang kum ka SMC ban ïakhun haduh ban kynjoh sha u mawmer ba 100 snem.
“Kane ka skul sorkar ka long kaba khampher haka liang ka jinglong jingman jong ka building namar ka long kaba khuid bad kaba suba”, kumta u kyntu ïa ki khynnah skul ban long kiba don ka akor ka burom bad u kyrmen ba kane ka jingkhuid kan neh duh ha kiwei pat ki snem ban wan, Kum u MLA ula pyrshang ban wanrah ïa ki skim bapher bapher, da kaba wanrah ruh ïa ka Sub-Center ha Ialong kaba 55 lak tyngka kaba la dep Sanction pisa, wat ïa ki lynti syngkieng hapoh ka shnong Ialong kiba la long kiba laidluid bad kala wanrah ka jingkylla dur ïa ka shnong hi baroh kawei.
Shuh shuh ula kyntu ïa ki nongshong shnong ban long kiba ïaishah mynta 8 snem kynti kum u MLA ula pyrshang ban wanrah ïa ki kam pynroi, ki lad jingïarap ban sam tin sop ïing, ki lad pynïoh kam ïa ki khun samla bad kam long kaba suk ban pynïoh kam ha ka juh ka por ïa baroh, ula ong, kum u MLA ula pynshang ban pynkiew ïa ka kam jngohkai pyrthei ha kane ka thaiñ, khnang ban kiew ka ïohkam ïoh jam bad ka roi ka par. Da ong kaba donkam eh ha ka jingim ka dei ka jingkoit jingkhiah bad ka jingnang jingstad.
Ha ka juh ka por ula kular ban siang da ka dewbilat ïa ka madan ïeng Assembly jong ki khynnah skul da ka jingtreilang bad ka tnad PWD. Ula ai mynsiem ïa ka skul ba kan dang kiew shaphrang haka jingpass bha jong ki khynnah skul ha ki exam bapher bapher bad kyntu ban pynïoh 100 percent ha ki result.
