RESERVATION  POLICY

[Da u ma K. Kyndaid, Jowai] –

Kadei ka bhah ai kam,  ai jam  ha  ki jait kam sorkar bapher bapher hynrei ia ka  pule  puthi  pat (iakaba la ju ioh sngew ba  la  ong ba kam  hap  ha  kane  Reservation  Policy)  na ka bynta ki  3 (lai) tylli ki jaitbynriew bapher bapher  ha  Meghalaya –Khasi, Garo  bad Jaintia kumjuh ruh ia ki wei ki jait bynriew ba rit pait. Ki  Khasi  bad  Jaintia  la  ai  40%  bad  ia ki Garo  40% bad  la  sdang  ban trei kam naduh ba  la  ioh  Meghalaya  hi. Ha  ka jingiadei  bad  kane   la  ioh  lad  ban kylli ia   U  Minister  ba pura u ba nyngkong  eh  na ka Ri Lum Jaintia  U Ma  E. Bareh ha  ka por ba u  la  shongthait noh na ka kam sain pyrthei bad  la  kylli ba balei  phi  la  mynjur  ban  buh lang ia ki Jaintia  bad  ki Khasi  ha  ka  40% katba ia ki Garo  pat  haduh  40% marwei, Phi  tip  bad ym lah  ban  len ba ki Khasi ki  long  kiba stad  ban  ia ki Jaintia namar ki skul kiba pawnam ki  don  ha  Shillong,  te kumno  phi  shu mynjur ia kane.  Ka  long  kumba  ha ialehkai football  hapdeng ka  team A  bad  ka  team  C. 

Hoid ym lah  ban  len ba  don  hi  ki khynnah skul Jaintia kiba kham  wan  shakhmat, hynrei katno eh  haba ianujur  bad  ki Khasi. Hato kam shongnia mo ba ki Jaintia  kin ioh  la  ka jong kumba ioh ki Garo kumba pher ka jait bynriew.  Une  U  Minister  u ba nyngkong ka Ri Lum Jaintia u  la  iathuh ba ia kane  la  pynbeit  ha Mendipathar  (Garo  Hills). U  Captain  Sangma, Chief  Minister  u  la  ong kumne  ‘HALOR  KA  RESERVATION  POLICY,  NGA  KYRPAD   JUR  IA  PHI’ (kata  ka mut ia  U  B.B. Lyngdoh  bad ia  U  E.Bareh) ba phin sngewbha  ban  pyrkhat sngew synei sngewlem ia ngi ki Garo namar ki  dang  duna bha haba ia nujur  bad  phi  ki Khasi  bad  ki Jaintia  bad  ai ba kane kan long  tang  15 ne  20 snem  bad  hadien yn sa ia pynbeit  pat. U    Ma  E. Bareh  u  iathuhbadeihalorkanekajingkyrpadjur  u  NongmihkhmatkiGarongibaroh  2 (ar)  ngut ngi  la  sngewsynei  bad  ngi  la  mynjur ba ki Garo  kin  ioh  40%  bad  ki Khasi  bad  Jaintia  40%  khlem  da  khein ia ka jingbun ki briew  bad  kumjuh ki  M.L.A.  Ha  ka jingshisha  la  dei  ban  don  ka jingsngewnguh   bad  burom ia ki Jaintia namar ki  la  shah shitom  (sacrify)  na ka bynta ki Garo.  U  Ma  Bareh  u  iathuh shuh shuh ba bunsien bunsien  la  pynkynmaw ia u Chief Minister ban  pynbeit thymmai noh ia kane ka  Reservation  Policy kumba  la  iakren ba yn ia pynbeit  pat  hadien  15  lane  20  snem, hynrei  U  Captain  Sangma, Chief  Minister u ba stad  bad u ba buit sianti  u  pynjur  da  ka buhteng na uwei  u  snem sha uwei  pat  u  snem haduh ba kynjoh mynta  50  snem. HANGNE  LA  IOHI  IA  KA  DOR  KI  NONGMIHKHMAT,  U NO  U BASTAD  BAD  KINO  KIBA  BIEIT.

Halor kane, U Conrad  Sangma,  u  la  ong ym  pat  deipor  ban  pynkylla ia ka bhah kam (Rupang   02.02.2022). Nangta  u  la  bynrap shuh shuh ba ka Resrevation  Policy  ka dei ka  mat  kaba jwat,  u  la  kyntait  ban  kren eiei (Mawphor  02.02.2022).  Ym sngewphylla ia kane ka jingong jong u,  lym kumta  un   shah  tangon  ha la  ki briew  la  jong. Ka wei ruh  u  ieit ia  la  ka jait ka kynja.

Ka  HSPDP,  Youth  Wing,  ha  ka jingshisha kan kyrshan ia ka  ban  pynbeit thymmai, hynrei ka ong pynban ‘tang  ka Khasi  bad  Jaintia  State  kaba lah  ban  weng ia ka jingeh ka  Reservation  Policy (Mawphor  02.02.2022 ). Ka jingkren ka bym lah  ban   long  ne  urlong lano lano ruh,  kaba  long  ruh kum ka jingkyrshan ia  U  Chief  Minister  ha neng.

Sngew thamula pynban ia  U Renikton  l. Thanghkhar,  Minister,  ha   ka jaka ba   un   kyrshan hynrei  u  ruh  u  khmih lynti pynban  ban  ioh ia ka jingiakhlad noh  bad  ki Garo  (Mawphor  02.02.2022).  Lada kata  ka jingkhmih lynti kam  wan hato yn iahun  hi  ba kan sah kumne sa katno  phew  snem.

                U Nongialam u wei na ka Sengbhalang ka  HANM  u  ong ba ymlah  ban  pynkylla ia kane ka  Reservation Policy kaba mynta  bad  dei  ban  rah ruh ia ka  Winter  Season  ka  Assembly sha Garo. Une ruh  u  kren ia kaba dei namar  u  dei  u  Garo namar   ban  duh  ia kaba  la  iohte ym  long.

Ka la dei kapor ban  pynthymmai noh ia ka  RESERVATION  POLICY halor kane ka nongrim :-

1. Ba  ka  la  iaid  50  tylli ki snem.
2. La iathuh ba  don kiba la  leit pule  halor ka hok  (Reservation  Policy) jong ki hynrei ki iehnoh jyndat (surrendered) namar kim lah  ban pyndep.  Kumno hi kin lah haba ka bor jinglah  (percentage)  jong ki ka duna palat. Ha ka jingshisha ka skul  pule  (College) kim dei  ban pdiang lada ki  marks  ki duna palat.  Ki  la  dei  ban  pyrkhat ia  la  ka burom ka skul jong ki hynrei imat tang  namar ka pisa bai  seat  te  matlah noh. Da  kumne leh nohei ka dor ka  seat ba la siew da  ka sorkar Meghalaya. Kaba phah ruh kawei  bad  kaba pdiang ruh kawei khlem  da  pyrkhat ia  la  ka jinglah. Hangno KA  BUROM. Ka Sorkar jong ngi  bad  ki   SKUL   BAH  kiba pdiang ki  la  dei ka por mynta  ban  pyrkhat ia kane ym  ban  shu phah bad  pdiang ruh.
3. Ki  katto katne ki paralok dkhar napoh sor ka ri  India  ki ju kylli balei ba ki khynnah skul jong  phi na Meghalaya ki shait ieh noh (surrender) ia la ka pule  halor ka lad  ka kabu ksiar kaba biang bha. Lada ngin ioh  ma  ngi te  da  lei  lei ruh EM.
4. Lada ka  don  shisha  ki kynnah skul kiba  la  phah  pule bad ki iehnoh jyndat (surrender) ka sorkar ka la dei ban pyrkhat thymmai noh ban shim da ka security deposit katkum ka dor ka  seat khnang ba kan ym sepei ka pisa u paitbah.
5. Kawei pat ka sorkar kan pyrkhat sngewbha ban buh bhah (quota) noh ia kito ki candidate   kiba la jankut rta ha ka thung kam thung jam kumba ka la  iabhah (quota)  ia kiba duna ki dkhot met.