Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 09 tarik u Nohprah, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun Semi Final (Qualifier 1) ka kynhun ïalehkai jong ka Dhana SC kala jop da 1-0 Thangskai Tiger SC, ïa ki kol na ka Dhana SC la thep da u Shot Swer ha ka minit ba 63.
Lyngba kane ka jingjop jong ka Dhana SC kala ïoh ban rung sha ka phainal haka Super Division EJHDFA.
Lashai ka sngi (10/12/2024) ka jingïakhun kan long hapdeng ka R.Shkenshynriah SC pyrshah ïa ka Sutnga SSCC haka por 1:00 PM ha ka Eliminator Round jong ka Super Division EJHDFA.