“Ngi ki shijur u ma Ram Bernardus Laskor bad ka kong Trelist Ryngkhlem kiba shong basah ha Lumpariat, Jowai, hynne ka sngi 27 tarik Nohprah 2024, ngi rakhe ia ka Jubili Ksiar ka jingkyntiew kurim jong ngi da kaba ngi pynthmmai ia ka kular shongkurim jong ngi mynba sanphew snem mynshwa, ha khmat ka Duwan ka Dupat jong ka St. Theresa Church Jowai.
Ha ki 50 phew snem kiba la leitnoh, ngi la ioh ia ki khun, ki ksiew, la pynheh pynsan, la pynnang pynstad, ngi la ri la sumar ia ki kat kum ka jingkular kaba ngi la kular ha khmat ka Duwan mynba sanphew snem mynshwa. Ia kaei kaba ngi la kular ha ka jingshong kurim jong ngi mynba sanphew snem mynshwa, ngi la pynthymmai biang ia ki jingkular ban nangpynkhlaiñ ia ka jingiaieid markylliang haduh ba kut ki sngi ka jingim jong ngi da ka jingieid kaba janai, kaba iakit iabah markylliang, ban ri ia ka jingialong kawei bad ban pynheh pynsan ia ki khun ki Ksiew. Ngi pynpaw ka jingsngewnguh ia U Blei na ka bynta ki jingkyrkhu kiba U la thehsei ha ngi.
Ngi pynpaw ka jingsngewnguh ia u Sohblei (Fr) Hilarius Lamare, Parish Priest Jowai uba la pyndep ia ka niam ka rukom ha ka jingrakhe Jubili Ksiar jingkyntiew kurim jong ngi, ia ki Phadar kiba la iawan sakhilang, ia ki khun ki ksiew, ia ki kha ki man, ia ki lok ki jor bad ia kiwei de kiba la shah khot sngewbha. To U Blei Uba donbor baroh Un kyrkhu ia phi”
