POITRI PNAR
Da u , Chandame Sungoh
Chutwakhu, Jowai .
- Dei wympoi pyrkhat o haka tu ka sngi ,
Bamja o ha dukan ha Stand Anjalee :
Psiah o dukan ja dukan cha Khasi ,
Bam o dei ja soo wei dohnud masi ! - Kamwa dang bang ka dihcha ka bamja ,
Pur ka iaklam ia ong ia parom khana :
Katea ka kong leh katda toh kawa bang klam wa pariah,
Tea kylli kur kylli chnong , thaw chong thaw sah . - Ong ko wasah h’eh cheini Mai tea i ki Pnar ,
I kur i īong Passah na poh chnong Panaliar :
Ong o nga īong Sungoh na chnong Khanduli ,
Sah o cha Jwai tea kreh Mistery . - Nga dangmut o jan phi u Khynriam ,
Iabeh dur phi kam u War u Maram :
Dei ktien Khasi bait ialeh o u klam ,
Han tea para Pnar kam chidoh chisnam . - Naduh wa juh wa jan o ha dukan īong ki ,
Sñiaw o wymbang ja bang cha de chawi ;.
Ym bang te ki bam Chinese ne ja Bengali ,
Lah chiboon i dohjem sniang wei dohnud masi ! - Neini da kwah biang o u lai Shillong ,
Iow psiah biang o ha dukan tu ka kong ;
Tang katda dooh tea wym ïoh bai kari ,
Kut hi eh ka du hei mutdur don hi . - Kylli o, katno kong ka bai ja bai cha ?
Tea ong karu chispah chiphaw tyngka ,
Chim uni u kwah tea e o dei makna ,
Wa toh para Pnar tea sñiaw jooh sniaw maya ! - U li noh o kong , da mih ka kari ,
Heiwi i por tea dow iachem biang i ,
Kam ong kiwa h’eh tea la thoh chuni U Blai ,
Ioh u uasah biang o phi cha chnong tre cha Jwai. - Katu ka sngi nga sahnud o chiboon ,
Wym johkhea ka u pan tang number phone !
Maite tea da īoh u īa phun u iatext ,
Iaklam ia ong kylli nang kylli chait .