[Da u, Chandame Sungoh, Chutwakhu Jowai]
Haka wi ka Balang Khristan em arngut chilok ki nongdih kyiad, u wi tea dih tuh dih rieh waka lai jingiaseiñ waka ak ngait blai hi, uwi tea u wada mu-aid sarok wada bna hi.
Hakawi ka sngi Blai, ngat prokram u tea u wadih tuh dih rieh wow klam subject ha jingiaseiñ shaphang i ktah Ka kyiad ïa ka balang waka imlang sahlang.
Hakatea ka sngi, khut lang u iow tea u paralok wadih u wow lai jingiaseiñ wow ap iei klam subject u. Katda toh dow lok wa maya wa khut tea lai jingiaseiñ u dei wym jooh wym tang. Waroh ki bru wa phylla wa lai iaseiñ u dei wym jooh. Mut ki jan wada kylla wamut u nea.
Hei klam Subject ong u tea u lok u, “Ka kyiad toh kawa pynbeij ia u wastad, kawa pynstad khlem kam ia uwa beij kawa pynjahburom, kawa pynjet pynpra khatduh kawa pyniap khlem toh por”. Kamtea ter ter……….. Ki wym tip wym ioo īeiwa dih kyiad tuh u tea iaroh bha ki ïei stad klam u.
Wei slem u u pynkut tea u te u paralok u da ngiah da ptai u chong, liwan u cha ïung tea rah u chiklong i kyiad OC Blue. Ieiñ u ha lait, ha dwar wa mar pyrchaah u tea u lok u wa klam subject najrong Pulpit. Pynchaad u u tea u klong kyiad na lait iungmane hawa īoo tea u lok u na jrong pulpit.
Tang chu īoo wa pynchaad klong kyiad tea u lok u na lait, da raw chyoh da joo yumbar u. Pynkut syndet u katea ka subject tang u ong Amen nea leh wym kynmoo de !
Jingsneiñ; Du kiwa khlem sarom don hi wa nood u klam pyrchaah ia kiwi ieikam sih wa ki leh leh ki.