Ka jingbteng jong ka ‘er langthari kaba la tip kum ka Cyclone Ditwah ha ryngkat u ‘lapbah ba jur ka la wanrah ia ka jingtwa khyndew bad ka jingiap jong ki briew kaba la kot sha ka 618 ngut ha kylleng ki jaka hapoh ka ri Sri Lanka.
Katkum ka jingpyllait khubor jong ki bor pyniaid ka sorkar Sri Lanka mynta ka sngi (Sunday), ka la ai jingmaham sha baroh ki nongshongshnong ban long kiba husiar na ka jingtwa khyndew namar ka jingiaibteng jong u ‘lapbah ban ther haduh mynta ka sngi.
Kane ka jingjia ka la ktah ia kumba 20 lak ngut ki briew kumba 10% na ki nongshongshnong ka ri Sri Lanka. Na ka liang ka sorkar ka la ialeh ban pynpoi ia ki lad jingiarap sha ki bynta ba shah ktah.
Na ka liang jong ka ri India bad Myanmar ki la phah ia ki lad jingiarap ba kyrkieh sha ka Sri Lanka.
Kane ka ‘er iong ka la ktah ia kiba bun ki ri kiba sha thie lammihngi jong ka Asia kiba kynthup ia ka Sri Lanka, Indonesia, Malaysia, Thailand bad ka Vietnam. Ha kane ka jingjia kumba 1812 ki briew kila khlad iathuh ka khubor AFP.
