Haba ai jingkren mynta ka sngi (Sunday) u Prime Minister ka ri u Narendra Modi on Sunday ula ong ba ka India kala thaw record kaba neh khana (History) mynta u snem 2025 haba ka la lah ban pynmih marbam (Foodgrain) haduh 357 million ton kaba pyni ia ka jingkiew shaphrang jong ka kam rep kam riang hapoh ka ri, la ong u PM.
Haba kren ha ka prokram Radia Mann Ki Baat kaba 128 jong u, u PM Modi ula ong ba ka jingpynmih marbam hapoh ka ri kala kiew da 100 million ton ha kine ki phew snem ba la lah.
U PM Modi la pynkynmaw ba ula pynpaw ka jingiaroh ia ki samla jong ka ri kiba la shim ban kyntiew ia ka kam rep da pyndonkam ia ki sboh mariang, ha ka jingialang ka ‘Natural Farming Exhibition’ kaba la pynlong ha Coimbatore.
Dang shen ha ka 19 tarik u Naiwieng 2025 u Modi ula lah ban pyllait ia ka Instalment kaba 21 jong ka PM-Kisan Samman Nidhi sha kiba dei bynta ban ioh bad plie pyrda ruh ia katei ka Exhibition ha ka Jylla Tamil Nadu.
U PM Modi u don ka jingkyrmen ba ka jingpynshlur ia ki nongrep kan iarap shibun ban kyntiew ia ka ioh ka kot jong ka ri ha kine ki snem ban wan.
