Ka jingjia jong ka jingkynad ha ki ri jong ka pyrthei, khamtam ha ki bynta Sepngi ka Asia (West Asia), kala pynlong ia ka ri India ban kham pynkhlaiñ shuh shuh ia ki kam iada ri jong ka.
Na ka liang jong ka tnad iada ri ka India lyngba ka Defence Procurement Board (DPB) ka la dep ban pdiang ia ki jingtyrwa jong ka Indian Air Foce (IAF) na ka bynta ban thied sa 5 (san) tylli ki S-400 jong ka Rusia kiba dei ki tiar iada (Air defence System), kiba lah ban khang lad ia ka jingshah ther nam ding ne ki liengsuiñ iapom jong ki nongshun.
Hadien kane ka jingmynjur na ka DPB la phah ia ka sha ka Defence Acquisition Council kaba hapoh ka jingpeit jong u Myntri iada ri ka India u Rajnath Singh bad shen ka India kan sa ioh ban pyntreikam ia ki 10 tylli ki S-400 kum ki lad jingiada jong ka.
