Ka jing ialehkai hapdeng ka ri Netherland bad ka Romania haka Euro 2024 hynnin ka janmiet lah sngi nyngkong kaba long ha Allianz Arena Stadium, ka Netherland ka kyrwit syndon da 3-0 iaka Romania.
Ka jing iakhun hapdeng kitei ki ri ba paw ka Europe, ka long kaba itynnad ban peit namar ka bol kam shong neh tang ha jaka ka Netherland ne Romania hynrei ka bol ka iaid shaid shaid, hynrei tang hapoh ka minit kaba 20′ u rang ialehkai ba paw ka ri Netherland bad ka Club Liverpool u Cody Gakpo u la ioh ban kynjat ia ka bol bala bsuh da u Xavi Simons,ka la rung ha dong jong u dieng kol, u kol ka Romania u Florin Nita u lah pyrshang rynsied ban ioh pynmih ia katei ka bol hyrei um shym la ioh satia bad ka Netherland ka la lam syndon da 1-0 kol.
Mar synioh 1 kol ka Netherland ka la nang ioh mynsiem shuh shuh bad ka la nang khlaiñ, ka Romania ka la pyrshang ban thep kol hynrei kam shym la lah satia ban ialeh pyrshah iaka Netherland.
U Donyell Malen u kyrwit 2 kol kawei haka 83 minit da ka jingiarap u Cody Gakpo bad ka kol ba ar pat haka 90+3 extra time lyngba ka jingiarap ai bol u Simons. U Malen uba don 25 snem mynta uba iasnoh bad ka Club Dortmund bad u player uba dang biang bha ka bor met bor phad, u la ioh khur syndon ia ka nam Player of The Match.