U Lionel Messi uba dei u Captain jong ka Agentina ula shah pynkup burom da ka jaiñ iong ne ka ‘Bisht’ kaba dei ka jaiñ tynrai jong ki nong Arab ba ju phong da ki shynrang na u Emir jong ka Qatar u Tamim bin Hamad Al Thani, mynta ula ioh ia ka jingtyrwa da ka song pisa kaba haduh 1 Million US Dollar na uwei na ki MP jong ka Oman ban ioh thied ia katei ka jaiñ.
U Ahmed Al Barwani uba dei uwei na ki nongsait aiñ bad u MP ha kajuh ka por jong ka ri Oman ula pan thied ia katei ka jaiñ kaba la pynphong ia u Messi hashwa ba un leit shimti ia ka Cup ha ka jinglahduh jong ka ri Argentina kaba ula ialam kum u Captain ia ka Final World Cup 2022. U Barwani ula tyrwa haduh 1 Million Dollar ia u Messi ban ioh thied ia kane ka jaiñ bad ulah ruh ba pyntam shuh shuh ka dor lada u Messi u kloi ban ai ia ka.
Haduh ba thoh ia ka khubor kam pat don kano kano ka jingpynphai ktien na ka liang jong Messi ha ka jingiadei bad kane ka jingtyrwa jong utei u MP.