U Bah Disparsing Rani uwei na nongwad RTI (Right to Information) u la pyntip paidbah mynta ka sngi ka 11 tarik risaw 2024 sha ki lad pathai khubor halor ka jingshim wai kali ki tnad pulit jong kylleng ka District kiba don ha ka jylla.
Haba kren ha kane ka sngi na ka liang u Bah Disparsing Rani u la pyntip ba ka tnad pulit ka hap siew ia ka Pisa kaba kot sha ka 10 klur tam sha ki paidbah kiba ai wai ia ki kali jong ki sha ka tnad pulit katkum ka right to information ba u la ioh pdiang.
Shuh shuh u Bah Disparsing Rani u la ong ba ki don haduh 10 tylli ki District jong ka tnad pulit kiba shim wai ia ki kali paidbah katkum ka right to information.
Kine ki shiphew tylli ki District ba ka tnad pulit ki shim wai ki long kaba nyngkong ka dei ka East Khasi Hills ha kaba ki kali kiba shim wai na ki paidbah ki long haduh 74 tylli ki kali shimet bad 270 ki kali pulit bad ka Pisa ba ki dei ban siew ka long 5,95,80,584.
Ha Mawkyrwat, South West Khasi Hills District ki kali ba shim wai ka tnad pulit ki don haduh 6 tylli ki kali shimet bad 37 tylli ki kali pulit bad ka Pisa ba ki dei ban siew ka long 21,05,602.
Ha Khliehriat East Jaintia Hills ki kali ba shim wai jong ki paidbah khlem ai jingthoh na ka tnad pulit bad ki don tang ki kali pulit kiba poi kumba 45 tylli bad ka Pisa kaba ki dei ban siew na ka tnad pulit ka long 8,91,345.
Ha Mairang Eastern West Khasi Hills ki kali shimet ba shim wai ka tnad pulit ki don kumba 3 tylli bad ki kali pulit khlem ioh jingkhein bad ka pisa ba sah ba hap siew sha ki paidbah ka long kumba 7,91,427 lak.
Ha Jowai West Jaintia Hills ki kali shimet ba shim wai ki pulit khlem ioh jingkhein bad ka Pisa ba sah ba dei ban siew ka tnad pulit ka 67,57,449 lak.
Ha ri Bhoi District khlem ioh jingkhein ia ki kali ba shim wai bad ia ka pisa ba dei ban siew da ka tnad pulit ruh khlem ioh jingkhein ka don kaei kaei sha lyndet.
Ha Ampati South West Garo Hills ki kali shimet ba shim wai ki don kumba 13 tylli bad ki kali pulit ki don kumba 32 tylli bad ka pisa ba dei ban siew ka long 32,00,000.
Ha Tura west garo hills ki kali shimet ba shim wai ki long 35 tylli bad ki kali pulit ki don kumba 84 tylli bad ka pisa ba sah ba hap siew ka long 1,58,48,170.
Ha Resulbelpara north Garo Hills ki kali shimet ba shim wai ki don kumba 15 tylli bad ki kali pulit ki don kumba 54 tylli bad ka pisa ba sah ban hap siew ka long 98,66,266.
Ha Williamnagar East Garo Hills ki kali shimet ba shim wai ki don kumba 10 tylli bad ki kali pulit ki don kumba 60 tylli bad ka pisa ba sah ban hap siew ka long 57,35,250.
Ka jingkhien kyllum baroh ia ki kali ba shim wai na ki paidbah ki poi kumba 156 tylli bad ki kali pulit ki poi kumba 593 tylli bad ka pisa ba hap siew ka kot sha ka 10,45,78,093.
Na ka liang u Bah Disparsing Rani u la pyntip ba un sa complain sha u Chief Vigilance Officer uba dei ruh u Chief Secretary ka jylla ban phah tohkit ia ka jingsahkut ban siew ia ka pisa sha ki paidbah kiba ka tnad pulit ka shim wai ia ki kali bad kumjuh ruh ban ai complain haba iadei bad ka jingbym ioh ia ki jingkhein na lai tylli ki District jong ka jylla haba iadei bad ka jingshim wai ia ki kali.
