Ka Muaythai Association of Meghalaya kin sa leit ban ia shim bynta sha ka jingialeh kai Mauy Thai kaba la tip kum ka International Federation of Muay Thai Association (IFMA) Youth World Championship MuayThai ka ban long ha Bangkok Thailand naduh ka 11 Tarik haduh 20 tarik u Nailur 2024.
Ha ka jingia kynduh bad ki lad pathai khubor na ka liang u President jong ka Mauythai Association of Meghalaya u Bah A Sun u la ong ba ka jingleit ia shim bynta ki Samla sha kane ka jingialehkai ki la pynkhreh bha khnang ba kin ioh wanrah nam bad burom ia ka Jylla bad ia ka Ri India.
Ha ka jingkren ba khatduh u la kyrpad ia ka Sorkar Jylla ba kan iarap lem ia ka jinglut jingsep na ka bynta ki khynnah ki ban mih khmat ia ka jylla bad u kyntu ruh ia ki riew shimet kiba ieid Ia ka Sport ba kin kyrshan lem ban iarap ka kti ka mon ka kti kadiang na bynta kine ki khynnah, shuh shuh u la ong ba lada kim ioh kano kano ka jingiarap, tang kito ki khynnah kiba don ka lad na ïing ki lah ban leit ialehkai, pynkut u President ka Muay Thai Association of Meghalaya.